DANIEL 8:2 - KITAB NU TUMPU ALLA LELE MA'IMAI'

² Aku nontoa aijo', au' aitu butongku kiijo' mae i propinsi Elam, kiijo' i kota' Susan puso nu kota' Persia. Aku tinuminjo koko Kaunyo nu Ulai,

DANIEL 8:2 Iomraidhean Croise

KAJADIAN 10:22

To ana-anak i Sem aijo'mo i Elam, i Asyur, i Arpakhsad, i Lud ka' i Aram.

KAJADIAN 14:1

Opat na tomundo aijo'mo: i Amrafel lengkat mae i Babilonia, i Ariokh lengkat mae i Elasar, i Kedorlaomer lengkat mae i Elam, ka' i Tideal lengkat mae i Goyim

NEHEMIA 1:1

Aiya na anu pinoto'imo i Nehemia anak i Hakhalya mongkona hahan anu binaunyomo. I Bitu'an Kislew kinakonamo i taun kino uampulu'nyomo na i Artahsasta nompalentah salaku Tomundo nu Persia, aku, i Nehemia kiijo' mae i Susan puso nu kota' kalaja'an.

ESTER 2:8

Salatan palentah i tomundo binebakonmo, manjoo' na to lalangkoyang pinosihukmo kiijo' i Susan, ka' i Ester na suele sala'samian anu kiijo' hi aha aitu. Ia suele binoamo i laigan nu tomundo ka' pino'ongkomo hi Hagai kapala nu laigan nu tomundo anu bau-bau pompojoongan to bou-boune.

ESTER 3:15

To paka pokauhon sampamo namba nomboa sulat haha aijo' hi to pro-propinsi nu kalaja'an. Ka' mule' pinalentahmo i tomundo, da palentah aijo' obebakonmo suele i Susan, puso nu kota Persia. Ilapas na aijo' i tomundo ka' i Haman lewa'mo kinosusuhang ka' lewa'mo binatawa' nu anggur, panyo kota' Susan ginago'mo kalana lele anu ihongomo nu aha aijo'.

ESTER 7:6

Tinaaman i Ester, “I Haman anu ma'i-ma'idek na kalakuannyo aitu, aiyamo ia na sampobali' ka' anu monsakisamo kami!” Tinonto'anmo i Haman na i tomundo ka' bengkele'nyo ka'nabuhukmo.

ESTER 8:15

Lapas aijo' i Mordekhai nompala'imo laigan nu tomundo puso-pusok na baju' pesalin buhitnyo mobilu' ka' mopute', jubah mingkamumu' hude lenan ma'ima' hondo ka' songko' mosoni' nu kalaja'an anu ma'ima' hondo. Kota Susan nontaligalaimo kalana ilame'mo.

ESTER 9:11

I sinaamo aijo' na mian nompoto'i hi tomundo konjoo'nyo nu mian anu pinatean i kota' Susan.

ESTER 9:15

Jadi i tanggan sampulu' ka' opat bitu'on Adar, to mia-mian nu Yahudi i kota' Susan sinihuk nosa'angu' mule' ka' nompateimo aha 300 na mian i kota' aijo. Ka' mule' aha tempo'nyo aitu madi' ahi' nontololangi anu nu mian.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YEHEZKIEL 1:1

Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

YEHEZKIEL 32:24

Elam suele kiijo' mae tiba kubulan nu to sulu-suludadunyo montikubi ia. Madi' pinai sunat, aha sinilakamo iwi-iwi' i uno nu pahampatean lantas nintatau'mo i dunia nu mian anu sinilakamo. Tempo'nyo daagi' tutuu' aha saja' mompolubat mae kabuhukan panyo uuka aiya aha sinilakamo ka' tionyo ahi' montanggung ambang hingga-hinggat tiba aha to mia-mian anu sinilakamo i uno nu pahampatean.

DANIEL 10:4

I tanggan uampulu' ka'opat bitu'on anu momonanyo i taun aijo' aku hau-haunyo tinjo-tinjo i sonibi nu Kaunyo Tigris anu daka-daka' aijo'.

DANIEL 7:15

Anu singkap tinoangku aijo' nompobingongmo hondo aku ka' nangada'mo na kinyonyoangku.

DANIEL 8:1

I taun kinototolu'nyomo na i tomundo' Belsyazar nompalentah aku nontoa mule' kinopinduannyo.

DANIEL 8:3

ka' isonibi nu kaunyo aijo' aku nontoamo sa'angu' na domba lakinyo ko tanduknyo ohua' ka' mantan, sa'angu' lebe mantan ka' lebe sala'je tinumuu' de obandingkan tiba anu sangga'at aijo'.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

ANU PINOTO'I HI YOHANES 9:17

Ka' anu nyata'mo tinoangkumo, ajahan haha aijo' ka' batu-batu anu nonsake'i. Batu-batu anu nonsake'i nompake baju' besak anu buhitnyo momea' sumo anu moak, mobilu' sumo batu nu mainan, ka' mokini sumo belelang. Ubak nu ajahan haha aijo' sumo ubak nu singa, ka' apu mosabat mae i nganga'nyo, sumo aitu mule' tibuk ka' belelang.