DANIEL 7:8 - KITAB NU TUMPU ALLA LELE MA'IMAI'

⁸ Hau-haunyo aku mompalahatikan tanduk haha aijo' monti-montiik sa'angu' na tanduk sangga'at tinumuu'mo i olotnyo. Tanduk aijo' ise'panyo timbali monggegenso ka' mombubut totolu' na tanduk haha aijo' anu memang polo-polo'mo. Tanduk ise'ai-aijo' ko matanyo sumo mata nu manusia, ko nganga'nyo ka' saja' montaeakon potatae anu taka-takabun.

DANIEL 7:8 Iomraidhean Croise

MAZMUR 12:3

Aha iwi-iwi' nompaha bale-baleko'imo, nompaha aka-akalimo nu potatae anu toto ima-ima'.

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 7:19

Lapas aijo' aku mongkahanda'imo da monsumbu' alati'nyo nu binatang anu ko opatnyo aijo' anu madi' pokakana tiba binatang sangga'at; anu talalo okabuhuk hondo ka' nohansunimo ka' mule' nongkaanmo kaanonnyo anu ihakop nu konukunyo tambaga' ka' bese'nyo besak, ka' nompahampeja'akonmo tuha'nyo.

2 TESALONIKA 2:4

Kobubuunmo hondo na ia mongewa ka' mompuji' posi butongnyo molingkudui iwi-iwi' anu nu sombah nu mian, kabai iwi-iwi' na pilogot anu nu anggapmo nu mian Tumpumo nu aha. Pakalaus ia sumuhang i uno nu Laigan nu Tumpu, ka' mompoto'i tukoonyo iamo na Tumpu.

2 TIMOTIUS 3:2

Mian mosi pentingkanmo butongnyo, me saja' mongkamata doi, kobubuun ka' mongka'ima'i sisik anu madi' kogunanyo. Aha mongka'ima'i mompopo'ise' mian, panggaga hi tuumanyo, madi' monsumbu' montalima kase ka' mongka'ideki hahan rohani.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

ANU PINOTO'I HI YOHANES 13:1

Lapas aitu aku nontoamo sa'angu' na binatang i lubat lengkat mae i uno nu ambai. Ia ko tanduknyo sampulu' ka' popitu' na ubaknyo. Toto sa'angu' na tanduknyo ko makotanyo sa'angu', ka' toto sa'angu' na ubaknyo ko tulisannyo sa'angu' na sanggo anu mompopo'ise' Tumpu.

ANU PINOTO'I HI YOHANES 9:7

Balu-balu'nyo nu kihi-kihi' haha aijo' sumo ajahan anu oposadiamo i pahampatean. I ubak nu aha daagi' ko apa-apaa anu otoa sumo makota mosoni'. Ohup nu aha sumo ohup nu mian.

1 SAMUEL 2:3

Bolimo lewa' motatae anu madi' kokaliangannyo! Bolimo lewa' motatae anu madi' ko patunyo! Kalana Tumpu, aijo'mo Tumpu Allah anu monsumbu' hondo iwi-iwi'; anu momputusi iwi-iwi' apaa na anu nu bau nu mian.