DANIEL 7:4 - KITAB NU TUMPU ALLA LELE MA'IMAI'

⁴ Anu momona sumo singa panyo ia kopolipiknyo susumo tomonsi' alaimbelong. Hau-haunyo aku montonto'i madi' pinin polipiknyo tinombubutmo ka' nototodakmo; ia tinolohangkatmo lengkat i tano' ka' pinotinjomo i ohua' na tengke susumo manusia, lantas binee'anmo pikilan nu manusia.

DANIEL 7:4 Iomraidhean Croise

2 SAMUEL 1:23

I Saul tiba i Yonatan mongkanaya mian ka' okalibosi saja' mongka'oho' mosa'ngu' mau i uno nu kantumuu'an ka' ikasilakan; aha lebe malia' molingkudui alaimbelong, lebe mahoson molingkudui singa anu daagi bata'nyo.

AYUB 25:6

Apaa mule' manusia, ka' ias, ka' to bina-binatang toto ise-ise' hondo anu ola susumo som na kodaka'nyo anu ko polipiknyo kabai anu ola lumajang! I mata nu Tumpu Allah, ia totu-totu'u madi' ko angga'nyo.”

MAZMUR 9:20

Tinjomo mae, Tumpu, putusimo mae na to bansa-bansa, bolimo mompojohok manusia saja'mo buulon na butongnyo.

YEREMIA 25:38

Susumo singa nosabatmo mae lengkat i liangnyo, sumo aijo'mo na Tumpu nosabatmo mae da mohukumo mian anu palesayamo hi Ia. Kasinggian nu pahampatean tiba tambuha' nu Tumpu nongabali'mo lipu' aiya sahingga tinimbalimo padang tampat anu mateges.

YEREMIA 4:13

Soba toa sampobali tinokamo mae sumomo ahi' kundom. Kareta nu aha anu bau pahampate sumomo ahi' tombusisi', ajahan nu aha lebe malia' nulingkudui na bonyia nu mahap. Ado silakamo na kita! Kita mohopu'mo!

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEREMIA 48:40

Tumpu notatae, “Susumo bonyia' de monsabutmo polipiknyo nu bokaamo, sumo aijo'mo na bansa sa'angu' tokamo mae ka' monsabutmo Moab.

YEREMIA 49:19

Susumo singa nasasubamo mae lengkat i alas anu daka' hondo koko Kaunyo nu Yordan ka' nompanjolongimo padang tampat nu domba lewa' mongotot, sumo aijo'mo na Aku toka mae mompotolokengkeng mian nu Edom sahingga mopalaimo mompala'imo lipu' nu aha. Lantas Aku mompile'imo samian na anu timbali polaya' da mompalentah bansa aijo'. Ihe na timbali bau pompokakanakonan tiba Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

MOHAANGI 4:19

Anu mololoi' kami talalo hondo malia' majo'on na pompala'inyo na ko lia'nyo nu bonyia'. Aha mololoi' kami i bungkutnyo ka' nontumbuhimo kami i padang anu mateges.

YEHEZKIEL 17:3

anu Aku, Tumpu Anu Matangkas na Kuasanyo mompoto'imo hi aha: Daagi' ko sa'angu' na bonyia' anu daka' hondo bulunyo ma'ima' hondo ka' polipiknyo bola ka' mule' mahoson. Ia ilumahapmo nokiita' i bungkutnyo nu Libanon, nompato' londik nu sangkau na kau' lontio',

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:9

Jadi de tokamo na tempo'nyo aijo' daagi' moko ala na beleyum montaloakon tukooyum beleyum Tumpu? I ahop nu aha anu nompateimo beleyum atina'je ka' nyata' taalu' beleyum ola ahi' manusia biasa.

DANIEL 2:38

Belento Tuanku pinojadinyomo anu mongkuasai bagian nu dunia anu ko miannyo ka' mongkuasai to tomo-tomonsi' tiba binatang sangga'at. Belentomo Tuanku na ubak mosoni' i patong aijo'.

DANIEL 4:36

Salatan aku po ule'mo sininsumbu', saba' kahebatan, katalasanggoan nu kalaja'anku, ka' mule' kapuji'an po ule'mo ninsusule' mae hi belengku. Aku ilabotmo nu to paga-pagawengku tiba anu ko pangkatnyo daka' ka' mule' aku po ule'mo nontoongi kalaja'anku ka' mule' katalasanggoanku po ule'mo dinaka' ilingkuduannyomo na anu u'utu mae.

DANIEL 7:12

Binatang haha aijo' sangga'at ingalamo na kakuasa'annyo, panyo aha daagi' pinobee' tumuu' sampe tokaje mae na tempo'nyo anu tinantukanmo.

DANIEL 7:5

Binatang anu ko ohua'nyo sumo beruang. Ia tuminjo nu tengkenyo anu i pa'anyo sasu hikunyo, ka' nontoong totolu' na kolongannyo nu bukunyo nu has sika-sika sengan i bese'nyo. I hongongku na potatae hi ia, “Soba kaanmo na antok nu ponoha' konjoo'nyo yayamo na anu nu ka'ima'i!”

MATIUS 24:28

Iya na daagi' ko bangke'nyo, i kiijo' daagi' ko tomonsi' montoluk bangke'nyo.”

PO'ULE' INGULIT 28:49

Sa'angu' na bansa anu madi' osumbu' nu belemiu na sisik nu aha nupotokamo mae nu Tumpu lengkat mae i puusnyo nu tano' da mongewa belemiu. Susumo bonyia' nusabutmo nu aha na belemiu.

ANU PINOTO'I HI YOHANES 13:2

Binatang anu tinoangku aijo' sumo harimau, ka' tengkenyo sumomo tengke nu beruang, ka' nganga'nyo sumomo nganga' nu singa. Lantas binatang aijo' binee'an nu ulo anu talalo hondo daka' aijo' kahosonannyo, ka' kasuhangannyo, tiba mule' ahi' kakuasa'annyo anu daka'.