DANIEL 7:3 - KITAB NU TUMPU ALLA LELE MA'IMAI'

³ Lapas aijo' opat na binatang anu daka' hondo ilubatmo mae i uno nu apan, madi' pokakana sa'angu' tiba sa'angu'.

DANIEL 7:3 Iomraidhean Croise

MAZMUR 76:4

I kiijo'mo mae na Ia nohansuni iwi-iwi' na pakakas anu pinake nahampate, iwi-iwi' na pana' anu lonyingkaban, kanta, tiba bajak.

DANIEL 7:17

Ia nompoto'i mae, “Opa-opat na binatang toto daka-daka' haha haha aijo', saba' te kalaja'an anu jadi saidi' mae i dunia aiya.

ANU PINOTO'I HI YOHANES 13:1

Lapas aitu aku nontoamo sa'angu' na binatang i lubat lengkat mae i uno nu ambai. Ia ko tanduknyo sampulu' ka' popitu' na ubaknyo. Toto sa'angu' na tanduknyo ko makotanyo sa'angu', ka' toto sa'angu' na ubaknyo ko tulisannyo sa'angu' na sanggo anu mompopo'ise' Tumpu.

ANU PINOTO'I HI YOHANES 17:8

Binatang aijo' naipuan mae toho'mo tinumuu', panyo uuka aiya madi'mo daagi' tinumuu'. Madi'mo pin na ia mosabatmo mae lengkat i keles kapatean ka' mambamo monsolok kapatean. To mia-mian anu tumuu' i dunia, anu sanggonyo madi' tinulis i uno nu Kitab nu Mian Tumuu' ma'isa pe'e dunia pinotimbali, tantu bangangmo de montoamo binatang aijo'. Kalana binatang aijo' naipuan mae toho'mo tinumuu'. Tempo' uuka aiya ia madi'mo daagi' tinumuu', panyo ia po'ule'je lubat.