DANIEL 7:1 - KITAB NU TUMPU ALLA LELE MA'IMAI'

^1-2 Daagi' kinosampahuan i taun momonanyo i Belsyazar tinimbali tomundo' i Babel, aku i Daniel nongipimo ka' nontoamo. Ipion aijo' tinuliskumo ka'pinoto'ingkumo na anu tinoangkumo aijo' sumo uuka: Mombun anu mabohos hondo lengkatmo mae iyaya sahingga binokolonmo na ndalangon.

DANIEL 7:1 Iomraidhean Croise

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

KAJADIAN 46:2

Salatan i nalomo ia nontoamo, Tumpu Allah notatae hi ia, “Yakub, Yakub!” Tinaamannyo, “Apaa, Tumpu”.

AYUB 4:13

Aku madi'mo tinohoyot ka' tinolosikangkangmo, sumo nongipimo anu ma'idek pihi-pihi tonga'bongi'.

YESAYA 30:8

Tumpu nompalentahmo aku da montulis palabuatan ma'idek nu mian anu palesayamo hi Ia isa'angu' na kitab salaku bau tanda anu madi' okolilimi sampe toka sidu-sidutu'.

YESAYA 8:1

Tumpu notataemo hi belengku, “Ala na sa'angu' na batutulis anu daka' lantas tulisimo nu huru-hurup anu talang hondo; ‘Pahangagoan Pande hondo, Montomang Malia' hondo'.’

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

YEREMIA 27:7

Iwi-iwi' na bansa tundu'mo hi ia, hi anaknyo momo'ane tiba hi makumpunyo sampe tokaje na tempo'nyo negaranyo aijo' madi'mo balakuasa. Toka itempo'nyo aijo' bansa Babel tundu'mo hi bansa-bansa sangga'at anu mahason ka mule' to tomu-tomundo'nyo anu daka na kakuasa'annyo.

YEREMIA 36:32

Sahingga ingalang-Kumo na kitab anu ilulun anu pipinombolosi ka' binee'-kumo hi Barukh julutulisku. Lantas tinulisnyomo iwi-iwi' na anu pinoto'ingkumo hi ia, aijo'mo isi nu kitab anu ilulun momona ka' tinuangan mule' nu to pia-piangkuka na potuunon sangga'at anu pokakana sumo aijo'.

YEREMIA 36:4

Kalana aijo' ilagangkumo na i Barukh anak i Neria ka' nonsisikmo hi ia iwi-iwi' na anu pinoto'imo nu Tumpu hi belengku. Sahingga tinulismo i Barukh iwi-iwi' ikitab anu ilulun aijo'.

YEHEZKIEL 1:1

Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

YEHEZKIEL 40:2

Nontoamo anu pinotoa, Tumpu Allah nomboamo aku i tano' nu aha Israel ka' pinojoong-Nyomo na aku i bungkutnyo anu matangkas. I ahopku tinoangkumo na sanggombu na laigan anu pokakana susumo kota'.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 2:1

Daagi' kinosampahuan salatan ingohua'mo na taun na i Nebukadnezar nompalentah ia nongipimo. Ipionnyo aijo' nonsaduakonmo da madi' sinanang na kinyonyoanyo sahingga ia saja'mo binikayaon.

DANIEL 2:26

Sahingga notataemo na i tomundo' hi Daniel anu suele osanggohi Beltsazar, “Timbali na beleyum mompoto'i mae hi belengku ipionku ka' mule' alati'nyo?”

DANIEL 4:13

Hau-haunyo aku mompoinau'akon anu tinoa aijo' tinoangku mule' samian na malaekat nintatau'mo mae lengkat i suluga'; sikapnyo otoa susumo anu balajaga-jaga.

DANIEL 4:5

Panyo daagi' kinosampahuan hau-haunyo aku hoyo-hoyot aku nongipimo ka' nontoamo anu mompobata-bata kinyonyoangku.

DANIEL 5:1

Daagi' kinosansinaan i Tomundo' Belsyazar nolagamo samadala na mian anu to tangka-tangkas na pangkatnyo da toka mae mongahumi bau-bauonnyo anu talalo hondo talasanggo aijo' ka' lewa monginum anggur.

DANIEL 5:22

Panyo anaknyo momo'ane aijo'mo belento Tuanku madi' mongka'oho' ta'aluk maumo ahi' nu sumbu' nu belento Tuanku na iwi-iwi' aijo'.

DANIEL 5:30

Pihi-pihimo aijo' na i Belsyazar tomundo' nu Babel aijo' pinatean.

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

DANIEL 7:15

Anu singkap tinoangku aijo' nompobingongmo hondo aku ka' nangada'mo na kinyonyoangku.

DANIEL 7:7

Hau-haunyo aku montonto'i, binatang anu ko opatnyo ilubatmo mae. Ia mahoson hondo ka'baani ka' okabuhuk. Bese'nyo anu toto daka-daka' ka' talalo mokuut susumo besak nohansunimo ka' pinaha kaannyomo na kaanonnyo lantas pinahampeja'akonnyomo na tuha'nyo. Madi' pokakana tiba binatang anu ma'isa pe'e kino ianyo aijo, ia ko tanduknyo sampulu'.

DANIEL 8:1

I taun kinototolu'nyomo na i tomundo' Belsyazar nompalentah aku nontoa mule' kinopinduannyo.

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

HABAKUK 2:2

Tumpu nontaami mae aku sumo uuka, “Tulis ima-ima' isahompak na tano' pinto ka' opotalang ahi' apaa na anu Ku poto'i hi beleyum da dengke na mombasa'.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

ROMA 15:4

Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

2 KORINTUS 12:1

Memang madi' ko untungnyo na mombuulakon. Panyo aku mongka'oho' ahi' mombuulakon hahan anu pinoto'imo nu Tumpu Allah hi belengku, anu pinoto'i kabai anu pinotoa.

ANU PINOTO'I HI YOHANES 1:19

Kalana aijo', o tulis na hahan anu tinoamo nu beleyum, aitumo hahan anu daagi' uuka aiya, ka' hahan anu jadije saidi' mae.

ANU PINOTO'I HI YOHANES 10:4

Salatan popi-popitu' na gohung ingumonyi'mo, aku kahanda'mo montulis, panyo ihongongku na potatae lengkat mae i suluga', koonyo, “Opohowini apaa na anu tinaloakon nu popitu' na gohung aijo': Boli montulis!”