DANIEL 5:2 - KITAB NU TUMPU ALLA LELE MA'IMAI'

² Hau-haunyo aha lewa' monginu-inum i Belsyazar nompalentahmo da mamba mongala to mangko-mangko' mosoni' ka' salaka anu ingagoan mae i Nebukadnezar tuumanyo i uno nu Laigan nu Tumpu kiijo' mae i Yerusalem. Makisud i Tomundo' Belsyazar da anu to tangka-tangkas na pangkatnyo, to bengke-bengkele'nyo, to amba-ambahue'nyo ka' suele ia na monginum ahi' i mangko' haha aijo'.

DANIEL 5:2 Iomraidhean Croise

2 SAMUEL 9:7

Notataemo na i Daud, “Boli mabuhuk. Ku kanonongimo na beleyum kalana monginau' i Yonatan tuuma nu beleyum. Iwi-iwi' na tano' anu nu kai' nu beleyum ku sule'akonmo hi beleyum ka' mule' sampe toka sidu-sidutu' beleyum mongkaanmo aiya ilaigan nu tomundo'.”

2 TOMU-TOMUNDO' 24:13

Iwi-iwi' na mosoni' anu binau i tomundo' Salomo anu opake i Laigan nu Tumpu ingideanmo i tomundo' Nebukadnezar Lantas iwi-iwi' na pakakas anu ko angga'nyo anu kiijo' i Laigan nu Tumpu ka' anu kiijo' i laigan nu tomundo' binoanyomo i Babel. Iwi-iwi' aijo' jinadimo susumo anu polo'mo pinoto'i nu Tumpu ma'isa pe'e han aijo' jinadi.

2 TOMU-TOMUNDO' 25:15

To paka-pakakas mosoni' tiba salaka, sagalamo mangko' anu toto ise-ise' ka' lean anu opake pongisian oba ingalamo i Nebuzaradan hi ia.

2 TAWARIKH 11:20

Lapas mule' i Rehabeam po'ule'mo no'osoa tiba i Maakha anak i Absalom. Aha kino anak opat na mo'ane: i Abia, i Atai, i Ziza, ka' i Selomit.

2 TAWARIKH 15:16

Lantas pinobelentinyomo na kele'nyo i Maakha da madi'mo bapangkat salaku Totina anu mombee'i sonto', kalana ia nombaumo patong nu pilogot anu masala' bau pongadati pilogot boune Asyera, anu mompolumba' sosu'anon. I hobo'akonmo i Asa ka' ingideannyomo na patong aijo' ka' pinapuannyomo i Bangka'nyo Kidron.

2 TAWARIKH 36:10

Tempo'nyo taun bu'ou tinokamo mule' i Tomundo Nebukadnezar nomboamo i Yoyakim namba i Babel salaku mian anu i hakop, ka' to bala-balang anu mahan na olinyo i Laigan nu Tumpu suele binoanyomo. Lapas aijo' i Nebukadnezar nohangkatmo i Zedekia baabo' i Yoyakhin, binaumo tomundo nu Yehuda ka' Yerusalem.

2 TAWARIKH 36:18

To paka-pakakas i Laigan nu Tumpu, ka' to bala-balangnya anu mahan na olinyo, ka' suele balang kakaya'an nu tomundo, ka' anu nu to mia-mian anu ko pangkatnyo mokalaja hi tomundo, iwi-iwi' pinahuhuakonmo i tomundo Babel aijo' lantas binoanyomo i Babel.

EZRA 5:14

Ka' mule' pinahasule'akonnyomo na pakakasnyo aijo'mo pakakas mosoni', ka' salaka anu opake i Laigan nu Tumpu ka' anu ingalamo i Nebukadnezar i Yerusalem lantas pino'una'nyomo i laigan nu pilogot kiijo' i Babel. Pakakas haha aijo' binee'mo i Tomundo Kores hi mian sanggonyo i Sesbazar, anu i hangkatnyomo binau gubernur nu Yehuda.

YEREMIA 27:7

Iwi-iwi' na bansa tundu'mo hi ia, hi anaknyo momo'ane tiba hi makumpunyo sampe tokaje na tempo'nyo negaranyo aijo' madi'mo balakuasa. Toka itempo'nyo aijo' bansa Babel tundu'mo hi bansa-bansa sangga'at anu mahason ka mule' to tomu-tomundo'nyo anu daka na kakuasa'annyo.

YEREMIA 50:35

Tumpu notatae, “Silakamo na Babel tiba mian da'isannyo ka' to mia-mian anu ko pangkatnyo ipamalentahan tiba aha mian anu toto pande-pande aijo' hi aha!

YEREMIA 52:19

Balang iwi-iwi' anu mosoni' na binau tiba salaka, aijo'mo mangko'-mangko' toto ise-ise' ka' mule' tampat pompo una'an oba nu apu, mangko'-mangko' tampat pongisian baso' nu binatang anu okolotmo bau koloban, tampat bau pongian abu', tengke nu sulu', mangko'-mangko' pompotimpasan kamangian, ka' mule' mangko'-mangko' anu opake mondudu'akon anggur anu osombahkon, iwi-iwi ingalamo i Nebuzaradan.

DANIEL 1:2

Tumpu nom poloasmo ia nompatundu' i Tomundo Yoyakim ka'nompahuhuakonmo sambahagian na to bala-balang anu mahan na olinyo i Laigan nu Tumpu. To mia-mian anu ihakop binoanyomo i kuil poponsombannyo pilogot i Babel ka' mule' to bala-balang anu mahan na olinyo pipinahuhuakonnyo, pino una'mo i uno nu gudang nu kuil haha aijo'.

DANIEL 5:11

Kalana i uno nu kalaja'an nu belento Tuanku daagi' ko samian na mo'ane kinuasanmo nu roh nu to pilo-pilogot anu susui'. Tempo'nyo daagi' tuuma nu belento Tuanku na nompalentah, mian aijo' pande ka' ko bukuti'nyomo, timbali mongalati'i ka' mule' ko kapandean bapikin, anu susumo kapandean bapikin nu to pilo-pilogot. Tuuma nu belento Tuanku i Tomundo' Nebukadnezar nohangkatmo ia tinimbali polaya' nu topo tahi'i tiba anu ko pangatahuan ka' to mia-mian anu ko ilimu'nyo, ka' anu pande na montoa mandala'.

DANIEL 5:13

Lia-lia' na i Daniel binoamo mae nu aha nangadap hi tomundo'. Lantas pinokilawamo i tomundo' hi ia, “Beleyumo na i Daniel, mian nu aha Yahudi anu bibinoa mae ka' pinojoongmo i sa'angu' na tampat bibinoa mae nu tuumangku lengkat mae i Yehuda?

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

DANIEL 5:3

Lia-lia' na nomboakon mangko' haha aijo' hi ia, lantas aha iwi-iwi' nonginumo anggur i pakakas haha aijo'.

DANIEL 5:30

Pihi-pihimo aijo' na i Belsyazar tomundo' nu Babel aijo' pinatean.

DANIEL 5:4

Hau-haunyo monginum aha nompuji-puji'mo patong nu pilogot anu mosoni' na binau, salaka, tambaga, kau' ka' batu.