DANIEL 3:4 - KITAB NU TUMPU ALLA LELE MA'IMAI'

⁴ noloboo'mo hoso-hoson na anu monjagai tomundo' aijo'. “To utu-utus anu lengkat mae hi to bansa-bansa iwi-iwi', tulunan nu bansa ka' mule' basa'! Potombihing mae na palentah nu tomundo' sumo uuka;

DANIEL 3:4 Iomraidhean Croise

ESTER 8:9

Lantas sinaamo aijo', aijo'mo i tanggan 23 bitu'on kototolu'nyomo, bitu'on Siwan, i Mordekhai nolagamo to gulu-gulutulis i tomundo ka' pinalentahnyo na aha da montulis sulat ka' opakatu hi to gubernur-gubernur, hi to kapa-kapala da'erah ka' hi to mia-mian anu matangkas na pangkatnyo i uno nu propinsi anu 127 na propinsi lengkat pe'e mae i India to-toka i Susan. Sulat haha aijo' otulisi o basa' ka' tulisan anu osumbu' nu propinsi toto sa'angu' Ia suele nompakatumo sulat hi mian nu Yahudi i basa' ka' tulisan nu aha Yahudi.

YESAYA 40:9

Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

DANIEL 3:10

Belento Tuanku nompalentahmo tukoonto, lia-lia' salatan iwi-iwi' na pakakas nu musik opo onyi'mo, iwi-iwi' na mian tionyo ahi' tolodadupumo ka' monsombah patong mosoni' ai-aijo',

DANIEL 3:3

Salatan aha iwi-iwi' tinokamo ka' tinuminjomo i ahop nu patong aijo',

DANIEL 3:7

Sahingga salatan nohongomo pakakas nu musik haha aijo' pino onyi'mo nu mian, to mia-mian anu lengkat mae iwi-iwi na bansa tiba mule' tulunan nu bansa ka' basa' tinolodadupumo ahi' ka' nonsombahmo patong mosoni' ai-aijo'.

DANIEL 4:1

Sumo uuka na anu binebakonmo i Tomundo' Nebukadnezar anu pinakatunyomo hi to mia-mian i iwi-iwi na bansa, tulunan nu bansa, ka' basa' i songko-songko na dunia: “Salamat kopian!

DANIEL 4:14

Ia notataemo daka-daka', ‘Taa'mo na kau' aijo' ka' paha noso'i na to panga-panga'nyo, solui nahonnyo iwi-iwi' ka' sagakon nabua'nyo. Laa' na to bina-binatang anu lumukut i patunyo ka' mule to tomo-tomonsi' anu mimpeta i to panga-panga'nyo.

DANIEL 6:25

Lapas aijo' i tomundo' nompalentahmo mian da mohakop to mia-mian anu nongkalakmo mae i Daniel. Lantas aha iwi-iwi' tiba to ana-anak ka' mule' to bengke-bengkele' nu aha ilumbu'akonmo nokiijo' i uno nu liang nu singa haha aijo'. Ma'isa pe'e aha tinoka ilananyo nu liing aijo', singa haha aijo' nonsa'umo aha ka' nohansunimo buku-buku nu aha.

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.