AYUB 8:3 - KITAB NU TUMPU ALLA LELE MA'IMAI'

³ Tumpu Allah madi' toho' monggeo-geo'akon ka'adinan; madi' toho' mahungku' na montinjohakon kahondoan.

AYUB 8:3 Iomraidhean Croise

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

2 TAWARIKH 19:7

Belemiu tionyo ahi' mabuhuk i Tumpu, ka' momputusi palakala tionyo ahi' opotutugakon ima-ima', kalana Tumpu Allah-nto mongka'ideki mian anu tageo' na kinyonyoanyo, anu momputusi palakala madi' adin kabai ko gau'mo da mohumpak tambonyo.”

AYUB 10:3

Apaa na ka'untunganyo de belento monsansalamo mae sumo aiya, ka' mongalinmo anu binaumo nu belento? Apaa na ka'untungannyo de belento montinjohi pikilan ka' tanga'an nu to mia-mian anu ma'idek na kinyonyoanyo?

AYUB 19:6

Osumbu'mo ahi' na aku aiya sinakisamo nu Tumpu Allah, ka' i hakop-Nyomo nu talong-Nyo.

AYUB 19:7

Aku lewa'mo tinumatuhun kalana talalomo ahi' na pinonsakisa-Nyo aijo', panyo mau pe'e samian madi' ko anu nontoa mae aku. “Iya na ka'adilan,” koonyo nu loboo'ku, panyo madi' ko anu nohongo mae aku.

AYUB 21:15

Nututugi nu aha, “Montuluti anu nupoto'i nu Tumpu Allah madi' ko kaliangannyo, ka' balado'a hi Ia suele madi' mingguna.

AYUB 21:20

Bakas da mian anu baladosa' montanggungmo posi dosa'nyo, bakas da nu'oa'imo na tambuha' nu Tumpu Allah Anu Daka' hondo na kuasanyo.

AYUB 34:5

Koonyo i Ayub, ‘Madi' ko kasala'an hi belengku, panyo Tumpu Allah madi' mongka'oho' mombee'i apaa na anu adin hi belengku.

AYUB 35:13

Palasumo na aha moloboo' hoso-hoson; Anu Daka' hondo na kuasanyo madi' montoa kabai mompotombihing aha.

AYUB 36:23

Ihe na anu moko ala mompotiju' jalan hi Ia? kabai baani na mompisala'i ia? Nombaumo kasalaan?

AYUB 36:3

Anu ku sumbu' manjoo' hondo; jadi ku gunakonmo na han aijo' da bau pomponyata' saba' adin hondo na anu Nompodaagi'mo aku.

AYUB 37:23

Daka' hondo na kuasa nu Tumpu Allah-nto; madi' opoko alanto na mongohani Ia, ia madi' tageo' ka' saja' adin; ia madi' toho' monsansalai manusia.

AYUB 4:17

“Ugaat manusia madi' ko kasala'annyo hi Tumpu Allah? Ugaat ia madi' ko anu opisala'i i mata nu anu nombau ia?

AYUB 40:8

Pa' totu'u madi' nutalima nu beleyum na ka'adilan-Ku, ka' mompototu'u posi butong nu beleyum ka' mompisala'i mae aku?

MAZMUR 89:14

Talalo hondo daka' na kuasa nu Belento ka' talalo hondo daka' na kahosonan nu Belento!

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

YEHEZKIEL 18:25

Ugaat daagi' ko anu motatae sumo uuka, ‘Hukuman nu Tumpu aijo' madi' totu'u.’ Potombihing mae, o, mian nu Israel! Te madi' mule' totu'u na hukuman anu binee'-Kumo aijo'? Belemiu ahi' na anu madi' totu'u.

YEHEZKIEL 33:17

Panyo bansa aijo' nontaloakonmo tukoonyo nu aha kaputusan-Ku aijo' madi' adin! Padahan kaputusan nu aha ahi' na madi' adin.

YEHEZKIEL 33:20

Maumo ahi' sumo aijo' bansa Israel nontaloakonmo tukoonyo nu aha kaputusan-Ku na madi' ahi' adin. Memang totu'u, Aku momputusimo hukuman nu aha toto samian sitimbang tiba palabuatan nu aha.”

DANIEL 9:14

Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

ANU PINOTO'I HI YOHANES 16:7

Lantas aku nohongomo potatae lengkat mae i mezbah nontaloakon, “Tumpu, Tumpu Anu Matangkas na kuasanyo, totu'u ka' adin na hukuman iwi-iwi' anu binee'mo nu Belento!”