AYUB 26:11 - KITAB NU TUMPU ALLA LELE MA'IMAI'

¹¹ De Ia tolosegamo daka-daka', sinin na ohi' pontungkon langit gayu'an.

AYUB 26:11 Iomraidhean Croise

2 SAMUEL 22:8

Lantas dunia ilulu'onmo, ka' ginayu'anmo, pu'unnyo nu bungkutnyo iwi-iwi' nongkohenggomo kalana Tumpu Allah notambuha'mo!

AYUB 15:15

Sadang pe'e malaekat suele madi' nu palesaya nu Tumpu Allah; aha madi' susi' na nutoa nu Tumpu Allah.

AYUB 26:10

Ginamban-Nyomo titikub aita' i kilit nu ambai da bau pongga'at jingka tiba pintung.

AYUB 26:12

Ndalangon songko-songko mahungku hi kuasa-Nyo, ka' i Rahab suele dinokemo nu kapandean nu Tumpu Allah.

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

NAHUM 1:5

Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

HAGAI 2:21

Da opotokakon hi Gubernur Zerubabel. Koonyo nu Tumpu, “Madi'mo daagi pin langit ka' tano' Ku tenenggohimo,

2 PETRUS 3:10

Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.