2 SAMUEL 8:3 - KITAB NU TUMPU ALLA LELE MA'IMAI'

³ Lapas aijo' i Daud nompatundu' mule' i Tomundo' Hadadezer anak i Rehob anu nompalentah kiijo' i Zoba, sa'angu' na kalajaan koko Damsyik. Tempo'nyo aijo' i Hadadezer, hau-haunyo nambamo kahanda' monsoba de opoko ala po ule' nu kuasai na da'erah koko mata nu Kaunyo Efrat.

2 SAMUEL 8:3 Iomraidhean Croise

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

2 SAMUEL 10:15

Mian nu Siria nonsumbu'mo taalu' aha pinatundu'mo nu mian Israel, kalana aijo' ilagamo nu aha na suludadu nu aha iwi-iwi' da po ule'mo si huk mae.

2 SAMUEL 10:16

Lantas i Tomundo' Hadadezer nompoto'imo da toka mae na aha mian nu Siria anu kiijo' mae i sasu kabete'an Kaunyo nu Efrat sahingga tinokamo, na aha i Helam tinanasakon mae i Sobakh, talenga' nu suludadu i Tomundo' Hadadezer lengkat mae i Zoba.

2 SAMUEL 10:19

Salatan aha to tomu-tomundo' anu nu kuasai i Hadadezer nontoa taalu' aha pinatundu'mo nu suludadu nu aha Israel, aha nomoitamo da baladamemo, lantas tulutmo hi aha mian Israel. Lengkat pe'e i aijo' mian nu Siria madi'mo binaani na montulungi aha mian nu Amon.

2 SAMUEL 10:6

Lapas aijo' aha mian nu Amon sininsumbu'je saba' kalakuan nu aha aijo' nonsabapimo da i Daud mongka'idekimo aha. Mokonyo aijo' aha nontamboimo ahamian nu Amon 20.000 na mian suludadu nu Siria anu jojoong i Bet-Rehob tiba Zoba, ka' mule' 12.000 na mian suludadu lengkat mae i Tob, tiba tomundo' nu Maakha ka' 1.000 na mian suludadunyo.

1 TOMU-TOMUNDO' 4:21

Toto sangauwan ko ale' nu anggur ka' ale' nu ara. Tempo'nyo i Salomo dagi' tutuu' mian da'isan i songko-songko Yehuda ka' Israel lengkat mae i Dan toka-toka i Bersyeba kantuumu'an nu aha sinanangmo ka' madi'mo ko anu mompoposia. Kalana iwi-iwi' na tomundo' i sasu kinsoban Efrat nabuhukmo hi ia ka' iwi-iwi' na bansa nu to nega-negara anu mompaha o ohani kalaja'annyo nobela'mo tiba ia. Tano' i sasu kinsoban kaunyo nu Efrat lengkat mae i Tifsah i sohipi' nu kaunyo Efrat lau-laus no kiijo' i sasu kinsoban i kota Gaza i da'erah nu aha Filistin toka-toka i pontempasan tiba Mesir, songko-songko kinuasanmo i Salomo. To bansa-bansa i lipu' aijo' nabuhukmo ka' nombayanmo hasin hi ia. Ngangahan nu anu o kaan anu nu palalui i Salomo sansina-sinaa 5.000 liter labu anu i hihikmo, 10.000 liter labu anu ma'isa i hihik, 10 na sapi' anu opangkunakon, 20 na sapi' anu o polapas i padang, ka' 100 na domba ka' sangga'at mule' jonga kijang, menjangan ka' binatang anu lumahap.

1 TAWARIKH 18:3

Lapas aijo' i Daud nompatundu'mo i Hadadezer, tomundo' nu Zoba koko da'erah hamat i lipu' Siria. Tempo'nyo aitu i Hadadezer hau-haunyo mambamo mongkuasai da'erah koko matannyo nu Kaunyo Efrat.

2 TAWARIKH 8:3

Ia nompatundu'mo ka' nongalamo da'erah Hamat ka' Zoba.

MAZMUR 60:1

Anu mongkapalai panyanyi. Ingala i lagu nu nyanyian: Bunga bakung na bau sakisi. Mazmur bau pangajalan lengkat hi Daud,

MAZMUR 72:8

Kalaja'annyo mompaka pintuangmo lengkat mae i ambai santoanyo toka-toka i ambai santoanyo mule', ko ewanyo lengkat mae i sasu kabete'an toka-toka i sasu kinsoban.

NOSABATMO 23:31

Potempasan nu lipu' nu belemiu Ku potataapje lengkat mae i Luoknyo nu Akaba toka-toka i Kaunyo nu Efrat, ka' lengkat mae i Ambai anu i totonga'nyo toka-toka i padang bola. Belemiu Ku bee'imo kuasa mompalentah mian anu jojoong i lipu' aijo', sahingga aha olaa'mo nu belemiu salatan belemiu mambamo mompo'ago tano' aijo'.

PO'ULE' INGULIT 11:24

Batu-batu da'erah anu olajangi nu belemiu, timbalimo anu miu. Da'erah nu belemiu lengkat pe'e mae i padang bola i sasu selatan toka-toka i Bungkutnyo nu Libanon i sasu utara ka' lengkat mae i Kaunyo nu Efrat i sasu kabete'an toka-toka i Ambai anu Totonga'nyo i sasu kinsoban.

1 SAMUEL 14:47

Salatan i Saul tinimbalimo tomundo' nu aha Israel, ia nahampatemo iyaya mae nongewa iwi-iwi' na sampo bali' nu aha Israel, aijo'mo mian nu aha Amon tiba mian nu aha Edom, to tomu-tomundo' nu aha lipu' Zoba ka' mian nu aha Filistin. Mau iya mae na pahampateannyo ia saja' mohumpak ka untungan na mahampate.