2 SAMUEL 5:3 - KITAB NU TUMPU ALLA LELE MA'IMAI'

³ I Daud nombaumo palajanjian tiba to pola-polaya' nu aha mian Israel haha aijo', lantas ihangkatmo nu aha na ia binaumo tomundo' nu Israel.

2 SAMUEL 5:3 Iomraidhean Croise

2 SAMUEL 2:4

Lapas aijo' to mia-mian nu Yehuda nambamo i Hebron ka' nohangkatmo i Daud binau tomundo' nu aha mian Yehuda. Salatan ihongomo i Daud na aha mian nu Yabesh anu kiijo' i Gileat nolamunmo i Saul,

1 SAMUEL 23:18

Lapas aijo' i Daud tiba i Yonatan nojanji'mo da mobela'mo totu-totu'u i ahop nu Tumpu. Lapas aijo' i Yonatan ninsusule'mo i laigannyo, panyo i Daud na tatataap ahi' jinojoongmo kiijo' i Hores.

1 SAMUEL 16:13

Lia-lia' na i Samuel nongala lanya' nu zaitun aijo' ka' nohangkatmo ka' nombalakatimo i Daud, lanya' aijo' na pinipi'akon hi ia i ahop nu to utu-utusnyo tu'a. Tempo'nyo aijo' i Daud kinuasanmo nu Roh nu Tumpu. Sinaa aijo' Roh nu Tumpu saja'mo lewa' nongkuasai ia. Lapas aijo' i Samuel ninsusule'mo namba i Rama.

2 TOMU-TOMUNDO' 11:17

I Imam Yoyada nonsaimo i Tomundo' Yoas ka' mian da'isan da mombau palajanjian hi Tumpu kalana aha mongka'oho'mo timbali mian anu palesayamo hi Tumpu. Ka' ia mule' nonsaimo i tomundo' mombau palajanjian hi mian da'isan.

2 SAMUEL 3:21

Lapas aijo' pinoitamo i Abner de timbali da motatae pe'e, “Pobee' mae na aku de timbali da mamba monsale'i aha songko-songko mian Israel da mosa'angu'mo tiba belento Tuanku. Da belento Tuanku nu alamo nu aha bau tomundo' nu aha, sahingga tiba jalan anu sumo aijo' belentomo Tuanku na mompalentah songko-songko na lipu', susumo anu nu kahanda'i nu belento Tuanku.” Lantas i Abner pinobee'mo i Daud namba ka' ingusahakan ahi' i Daud da boli ko anu mompoposia mae ia.

TO MIA-MIAN KOPIAN 11:11

Sahingga nambamo na i Yefta hingga-hinggat tiba to pola-polaya' nu aha Gilead. Lapas aijo' mian anu jojoong i Gilead nohangkatmo ia da mongkuasai ka' bau polaya'. Ka' i ahop nu Tumpu kiijo' i Mizpa, i Yefta nompoto'imo poitaonnyo hi aha mian nu Gilead.

NEHEMIA 9:38

Kalana hahan anu jinadimo aijo', kami mian da'isan aha Israel nombaumo palajanjian totu-totu'u ka' mule' palajanjian aijo' tinulismo ka' sinapmo nu aha to pola-polaya' mami, to mia-mian nu aha Lewi ka' samian na imam mami.

2 TAWARIKH 23:16

I imam Yoyada nonsale'imo i Tomundo Yoas tiba mian da'isan hingga-hinggat suele tiba ia da balajanji'mo tukoonyo aha, aha timbalimo mian anu palesayamo hi Tumpu.

1 TAWARIKH 11:3

Sahingga hi Daud binalajanji'mo tiba to pola-polaya' nu Israel haha aijo'. Lantas i hangkatmo nu aha na ia binau tomundo' nu Israel susumo anu pinoto'imo i Samuel, apaa na anu jinanji'mo nu Tumpu hi ia.

1 SAMUEL 11:15

Jadi nambamo na aha iwi-iwi' i Gilgal, ka' kiijo' i tampat ponsomban, i Saul pinotantumo salakumo tomundo'. Aha nonsombahkonmo koloban anu bau pompodame, ka' mule' i Saul tiba iwi-iwi' na bansa Israel nolame'akonmo apaa na anu jinadimo aijo'.

NOSABATMO 3:16

Lako'mo ka' limu'mo iwi-iwi' na to pola-polaya' nu Israel. Poto'i hi aha taalu' Aku, Tumpu, Tumpu Allah nu mompolee' nu aha Tumpu Allah i Abraham, i Ishak ka' i Yakub, nanintoamo hi beleyum. Poto'imo hi aha taalu' Aku tinokamo hi aha ka' nontoamo mosia na aha okabisa'i nu bansa Mesir.

YOSUA 10:36

Lengkat mae kiijo' i Eglon i Yosua ka' suludadunyo nindakomo i bungkutnyo ka' nambamo i kota Hebron lantas nontumbuhimo,

1 TOMU-TOMUNDO' 1:34

Kiijo' mae i Zadok ka' I Natan tionyo ahi' ohangkatmo da ia baumo tomundo' nu mian Israel. Lapas aijo' opo'onyi'mo nu bele miu na tolompet ka' lewa' otaligalai, 'Higahiakon mae na i Tomundo' Salomo!'

1 TAWARIKH 11:1

Iwi-iwi' na to pola-polaya' nu bansa Israel tinokamo hi Daud kiijo' hi Hebron ka' nompoto'i, “Kami aiya daagi' julu mae nu Belento Tomundo'.

2 SAMUEL 2:7

Posahaan na kinyonyoa nu belemiu ka' baumo na apa-apaa susumo suludadu anu baani hondo! I Saul tomundo' nu belemiu memang sinilakamo, panyo aha mian nu Yehuda nohangkatmo aku binau tomundo' nu aha.”

1 TAWARIKH 28:4

Tumpu Allah anu nu sombah nu aha Israel nompile'imo aku ka' lee'ku saidi' mae na mompalentah Israel sampe toka sidu-sidutu'. Anu pinosadia bau polaya', Ia nompile'imo tulunan nu bansa Yehuda ka' lengkat hi tulunan aijo' ia nompile'imo auwan nu tuumangku. Ka' iwi-iwi' na mian hi auwan nu tuumangku Ia sinanangmo na nompile' aku ka' nohangkatmo aku binau tomundo' nu aha Israel iwi-iwi'.