1 SAMUEL 4:3 - KITAB NU TUMPU ALLA LELE MA'IMAI'

³ Salatan tuha' nu suludadu anu nahungku'mo ninsusule'mo i kemah nu aha, to pola-polaya' nu aha Israel notataemo, “Kadaka' Tumpu nompojohokmo kita da ihungku'anmo nu mian Filistin sinaa aiya? Imbo' da mamba o'alanto na Peti' Palajanjian nu Tumpu kiijo' mae i Silo, da oboantomo mae da nu tulungi nu Tumpu na kita ka' oposalamatmo na kita madi'mo nupatei nu sampo bali'.”

1 SAMUEL 4:3 Iomraidhean Croise

2 SAMUEL 15:25

Lantas notataemo na i tomundo' hi Zadok, “Sule'akon na Peti' Palajanjian aijo' i kota'. De daagi nu ka'ima'i nu Tumpu na aku tantu aku daagi po ule' Nu pobee' minsusule' mae montoa Peti' Palajanjian aijo' tiba tampat kajojoongannyo.

1 TAWARIKH 17:1

Salatan i Tomundo' Daud tinataapmo i laigannyo nu tomundo', daagi' kino sansinaan i laganyomo na i Nabi Natan ka' notatae, “Toa, aku aiya jojoong i laigan nu tomundo', anu kau' lontio' nu Libanon na binau, padahan Peti' Palajanjian nu Tumpu ola i uno nu kemah!”

MAZMUR 74:1

Nyanyian pangajalan i Asaf. O, Tumpu, pa' sidu-sidutu'mo na Belento mompala'i kami? Kadaka' sampamo, montambuha'i na Belento posi mian nu Belento anu palesayamo hi Belento?

MAZMUR 74:11

Kadaka' Belento madi'mo montulungi mae kami? Kadaka' Belento nompojohokmo mae kami?

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YESAYA 58:3

Pinokilawa nu bansa aijo', “Apaa na gunanyo na kita bapuasa' de Tumpu madi' montoa mae? Apaa na gunanyo kita ta'aluk de Ia madi' mompalahatikan mae?” Tumpu notatae, “Totu-totu'unyo, hau-haunyo belemiu bapuasa', belemiu molio posi ka'untungan ka' mongakali to mia-mian anu mongala tambo hi belemiu.

YESAYA 59:1

Boli monsangka Tumpu madi' moko ala momposalamat belemiu kabai matikobongonmo na mohongo potatae nu belemiu.

YESAYA 59:2

Kalana palabuatan ma'i-ma'idek nu belemiu sahingga Ia madi'mo ahi' mohongo belemiu balado'a hi Ia. Dosa' nu belemiu haha atina' na mongga'at belemiu hi Tumpu.

YEREMIA 3:16

Lantas de belemiu mompaka panjoo'mo ilipu' aiya, mian madi'mo daagi' mombisalakon Peti' Palajanjian-Ku. Aha madi'mo daagi' mompopikilakon kabai daagi' monginau', pakalaus aha madi'mo daagi' mompalalui ia kabai mombaumo Peti' Palajanjian sangga'at.

YEREMIA 7:4

Boli palesaya hi aha anu saja' mongakali nonotataemo, ‘Kita madi'mo ko anu mompoposia, kalana aiya Laigan nu Tumpu. Totu-totu'u aiya Laigan nu Tumpu!’

NOMBILANGMO 10:33

Salatan aha bansa Israel nompala'imo Sinai, bungkutnyo kajojoongan nu Tumpu, aha i lumajang kopinnyo tinolun sinaa. Peti' Palajanjian nu Tumpu saja' oboa mamba momona da aha molio tampat bau pompotinjoan kemah nu aha.

NOMBILANGMO 10:35

De Peti' Palajanjian aijo' oboamo, i Musa motataemo, “Jagai mae o Tumpu, ka' posubali' na anu monsampobali' Belento, da mian anu mongka'ideki Belento mopalaimo.”

NOMBILANGMO 31:6

I Musa nompalentahmo aha mamba mahampate hingga-hinggat tiba i Pinehas anak i Imam Eleazar. I Pinehas nomboa to bala-balang anu susi' ka' tolompet bau pohongoan tanda.

PO'ULE' INGULIT 29:24

Sahingga iwi-iwi' na dunia mompokilawamo, ‘Kadaka' Tumpu nombaumo susumo aijo' i lipu' nu aha? Apaa na sababnyo Ia talalomo hondo pinusa susumo aijo'?’

PO'ULE' INGULIT 31:26

“Alamo na kitab nu Atulan nu Tumpu Allah aiya, ka' po'una' i sohipi'nyo nu Peti' Palajanjian nu Tumpu Allah nu belemiu, da saja' sabole-bole ikiijo' bau salaku pomponyata' hi bansa aijo',

2 TIMOTIUS 3:5

Mau mule' otoa aha tulu-tulutan mompojalan apaa na koonyo nu agama panyo madi' montalima isinyo nu agama anu sahondo-hondonyo aijo'. Opimpali na to mia-mian anu sumo aijo'.

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.

YOSUA 4:7

tionyo ahi' opoto'i nu belemiu hi aha taalu' Kaunyo nu Yordan madi'mo no'ili tempo'nyo Peti' Palajanjian nu Tumpu tinaapakonmo i kaunyo aijo'. Batu haha aijo' bau tanda da saja' monginau' na bansa Israel apaa na anu jinadimo i aiya.”

YOSUA 6:6

Sahingga i lagamo i Yosua na to ima-imam, ka' notatae, “Hangkatmo na Peti' Palajanjian aijo'; aha popitu' na mian atina' hi belemiu tionyo ahi' lumajang mamba momona momboa tolompet.”

YOSUA 7:7

I Yosua notataemo hi Tumpu, “O Tumpu Allah Tumpungku! Te mosia na tanga'an nu belento nomboa mae kami tinoka mae i santoa nu Yordan aiya? Pa' obee'mo na kami hi aha mian nu Amori? Da kami matemo? Sahanyo kami jinojoongmo kiijo' mae, i santoa nu Yordan!

YOSUA 7:8

O Tumpu! Sampobali' nohungku'imo ka' ninsusule'mo mae na aha mian nu Israel. Uuka aiya apaa na anu tionyo ahi' ku taloakon!

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',

YUDAS 1:5

Iwi-iwi' aijo' sinumbu'mo miu. Panyo aku kahanda' mompotuka' hi komiu mosia na Tumpu nomposalamatmo mian nu Israel lengkat mae i lipu' Mesir, panyo lapas mae nonsilakaimo to mia-mian anu madi' palesaya, anu aijo' hi bubuu' aha.

1 SAMUEL 1:24

Salatan i Samuel madi'mo nonsusu ia binoamo nu tinanyo i Laigan nu Tumpu kiijo' mae i Silo. Tempo'nyo aitu ia daagi ise'hondo. I Hana nomboa suele sa'angu' na sapi' lakinyo anu totolu'mo na taun na umunnyo, gandum sampulu' na kilogram, ka' sa'angu' na botutu kilit na binau anu ingisianmo pinobuke nu anggur.

1 SAMUEL 14:18

“Boa mae na baju' nu imam aijo' na koonyo i Saul hi Imam Ahia. (Sinaa aijo' i Ahia nomboamo baju' nu imam i ahop nu aha mian nu Israel.”)

1 SAMUEL 4:2

Suludadu nu aha Filistin nontumbuhimo, ka' salatan sinidamo hondo na nahampate suludadu nu Israel nahungku'mo ka' kila-kila opat na madala na mian nate i pahampatean aijo'.