1 SAMUEL 22:3 - KITAB NU TUMPU ALLA LELE MA'IMAI'

³ Lengkat iliang aijo' i Daud nambamo i Mizpa kiijo' mae i Moab, ka' nompoto'imo hi tomundo' nu aha lipu' Moab, “De timbali da tuuma tiba tinangku aiya jojoong pe'e hi belento Tuanku, sampe saidi' mae kusumbu' pa' mosia na koonyo nu Tumpu Allah hi belengku.”

1 SAMUEL 22:3 Iomraidhean Croise

KAJADIAN 47:11

I Yusuf nontulungimo tuumanyo ka' to utu-utusnyo da jojoongmo i Mesir. Binee'annyomo na aha tano' ka' da timbalimo ahi' anu nu aha totu-totu'u, i bahagian anu ma'ima' hondo i lipu' aijo', koko kota Ramesas, susumo anu pinalentahkonmo i tomundo.

2 SAMUEL 8:2

I Daud nompatundu' mule' aha mian nu Moab. Pinokaunyo na aha nale' nale' i tano' lantas salatan de totolu'mo na olanggai opateimo na ohua' na mian. Jadi aha mian nu Moab nongkabuhukmo hondo i Daud ka' nombayanmo hasin hi ia.

NOSABATMO 20:12

O adati na tuuma ka' tina nu belemiu da belemiu mohumpak ka'ima'an ka' mantan nu umun i lipu' anu Ku bee' hi belemiu.

1 TIMOTIUS 5:4

Panyo de samian na balu, ko to ana-anaknyo kabai to maku-makumpunyo, aha aijo'mo na momona tionyo obee'i pangalati'an, da aha tionyo mompalahatikan to utu-utus nu aha ka' mombalosi kinyonyoa nu tu'anyo ka' kele' nu aha. Kalana han anu sumo aijo' ahi' na momposanang kinyonyoa nu Tumpu.

TO MIA-MIAN KOPIAN 11:29

Lapas aijo' Roh nu Tumpu nongkuasaumo i Yefta, sahingga nambamo na i Yefta nontoa da'erah Gilead tiba Manasye lapas aijo' ninsusule'mo i Mizpa i da'erah Gilead. Lengkat ikiijo' ia namba mule' i da'erah nu bansa Amon.

I RUT 4:10

Ka' suele mule' akumo na mongosoai i Rut, boune nu aha Moab balu i Mahlon anu sini-sinilakamo, baumo bengkele'ku. Jadi tano' aijo' tataap anu nu sampoto'utusan nu mian anu sini-sinilakamo aijo'. Ka' lee'nyo suele tataap sabole-bole hi sampoto'utusannyo mae ka' jojoong kiijo' i kota nu aha. Sabole-bole o inau' to utu-utus, sinaa aiya, belemiu iwi-iwi' nonsakisimo.”

I RUT 4:17

To bou-boune anu mompaha'ohani na laigan tiba aha nonsanggohimo anak aijo' i Obed. De aha singkabot mian, “Nupoto'imo nu aha, kino anakmo mo'ane samian!” I Obedmo aijo' na anu saidi' mae tinimbali tuumanyo i Isai, ka' i Isaimo aijo' na tuuma i Daud.

1 SAMUEL 14:47

Salatan i Saul tinimbalimo tomundo' nu aha Israel, ia nahampatemo iyaya mae nongewa iwi-iwi' na sampo bali' nu aha Israel, aijo'mo mian nu aha Amon tiba mian nu aha Edom, to tomu-tomundo' nu aha lipu' Zoba ka' mian nu aha Filistin. Mau iya mae na pahampateannyo ia saja' mohumpak ka untungan na mahampate.

1 SAMUEL 22:2

Tiba suele to mia-mian anu saja'mo osansala, ka' mian anu ko samaya'nyo anu pagalamo otage, ka' anu madi' sanang hi sangko manusia. Iwi-iwi' nosa'angu'mo hi Daud, ka' i Daudmo na binau polaya' nu aha. Konjoo'nyo nu aha mian anu nosangaja'mo tiba i Daud kila-kila aha 400 na mian.

1 SAMUEL 22:4

Lapas aijo' tuumanyo tiba tinanyo aijo' binoanyomo hi tomundo' nu aha Moab, ka' aha jinojoongmo kiijo' mae tempo'nyo i Daud daagi saja' lewa' maninsuluk i liang.

1 SAMUEL 3:18

Lantas sinisikmo i Samuel iwi-iwi' apaa na anu ihongonyomo aijo' hi Eli. Madi' ko sa'angu' pe'e na anu pinohowininyo. Lapas aijo' notataemo na i Eli, “Ia aijo' Tumpu bakas da Ia mombau apaa na anu kooNyo aijo' ma'ima'.”