1 SAMUEL 13:2 - KITAB NU TUMPU ALLA LELE MA'IMAI'

² ia nompile'imo aha 3.000 na mian nu Israel; 2.000 na mian anu jinojoong tiba ia kiijo' i Mikhmas tiba i daerah nu bungkutnyo Betel, panyo anu aha 1.000 na mian namba tiba i Yonatan anaknyo anu momo'ane kiijo' mae i Gibea daerah tulunan nu aha bansa Benyamin. Labinyo sangga'at na mian da'isan sinaimo da minsusule'mo i laigan nu aha toto samian.

1 SAMUEL 13:2 Iomraidhean Croise

2 SAMUEL 20:1

I kota' Gilgal daagi ko samian anu nombaumo gau' anu ma'idek sanggonyo i Seba. Ia anak i Bikri, ia tulunan mae nu bansa Benyamin. Tempo'nyo mian da'isan nolabot i Daud po ule'mo mae tinoka, i Seba nompuuhimo tolompetnyo ka' noloboo'akon, “Kita madi' mompahasumbu' tiba i Daud. Kadaka' kita mombatukimo ia? O, mian nu Israel, pinahasan na kita pinsusule'mo!”

2 SAMUEL 21:6

Kalana aijo' aha popi-popitu' na mo'ane lee'nyo mae bee'mo mae hi kami da osegot ka' opokalayo'mo mami i ahop nu Tumpu kiijo' i Gigea kota i Tomundo' Saul.” Tinaaman i tomundo', “Ma'ima'mo de sumo itina', aha ku bee'mo.”

NEHEMIA 11:31

Daagi mule' tino pia-piangkuka na tulunan mae nu bansa Benyamin jojoong i Geba, Mikhmas, Ai, Betel ka' kampung toto ise-ise' anu mompaha ohani,

YOSUA 22:6

Lapas aijo' i Yosua nompatantumo ka' nompobee'mo aha minsusule' i da'erah nu aha ka' nompotuun sumo uuka, “Belemiu tempo' uuka kinayamo ka' belemiu minsusule'mo lantas momboamo potu'on manjoo', salaka, mosoni', tambaga, besak, ka' hude. Obagi-bagiakon suele na balang anu pinahuhuakon miu aijo', obee' hi to mia-mian sangga'at anu bubuu' sangko tulunan nu bansa miu.” Sahingga tulunan nu bansa Ruben, Gad tiba tulunan mae nu bansa Manasye anu kiijo' mae sasu kabete'an Yordan aijo' nompala'imo aha mian nu Israel sangga'at, ka' nambamo lengkat i Silo i da'erah Kana'an nambamo i posi tano' nu aha i da'erah Gilead. Aha jinojoongmo i tano' aijo' susumo anu pinalentahkonmo nu Tumpu hi Musa. (Sambagian na tulunan nu bansa Manasye nohumpakmo hi Musa, tano' i sasu kabete'an Kaunyo nu Yordan, ka' sambagian na tulunan nu bansa Manasye sangga'at nohumpakmo hi Yosua tano' i sasu kinsoban Kaunyo nu Yordan hingga-hinggat tiba iwi-iwi' na tulunan nu bansa sangga'at.)

TO MIA-MIAN KOPIAN 19:12

Panyo tuannyo nontaami, “Bolimo! Kita madi' timbali sonso' i tampat anu misa' mian nu Israel. Indah da kita mambamo daagi' pe'e sangkiding male'je i Gibea kabai i Rama.”

1 SAMUEL 10:26

I Saul suele ninsusule'mo ilaigannyo kiijo' mae i Gibea, sinangaluan nu aha to pia-piangkuka na mian anu mahoson ka' baani ka' anu pinokaumo nu Tumpu na kinyonyoa nu aha.

1 SAMUEL 10:5

Lapas aijo' beleyum tionyo ahi' mambamo ibungkutnyo nu Tumpu Allah kiijo' i Gibea, tampat binakemah'an nu aha mian Filistin. Isabatan pinsoopan mokiijo' i kota', beleyum mojajalanmo tiba aha sanggombu na to nabi-nabi anu nintudunmo mae lengkat i bungkutnyo anu ponsombahkonan koloban. Aha lewa' monsalelei ka' lewa' molo'ais, mongkuti' gambus, mohapa'i gandang, mompuuhi puloit ka' mongkuti' kasapi'.

1 SAMUEL 13:1

Daagi kino sansinaan, salatan i Saul tinimbalimo tomundo'

1 SAMUEL 13:11

panyo i Samuel nompokilawamo, “Apaa na anu binaumo nu belento tomundo'?” Tinaaman i Saul, “Tinoangku na mian da'isan montampu'unimo mompala'i aku ka'mule' belento Tuuma ma'isa tinoka i sanang anu tinantukanmo nu belento Tuuma. Ka' mule' aha mian nu Filistin nosa'angu'mo kiijo i Mikhmas.

1 SAMUEL 13:15

Lapas aijo' i Samuel nompala'imo Gilgal ka' nambamo lau-laus i Gibea i daerah nu aha mian Benyamin. Tempo'nyo aijo' i Saul nambamo nontoa suludadunyo, konjoo'nyo kila-kila aha 600 na mian.

1 SAMUEL 13:16

Sumo aijo' na i Saul tiba i Yonatan anaknyo momo'ane tiba suludadu nu aha binakemah i Geba i daerah Benyamin ka' suele aha mian nu Filistin binakemahmo i Mikhmas.

1 SAMUEL 13:23

Aha mian nu Filistin nombaumo ponjaga'an da boli o agoi na sa'angu' na olotnyo nu bungkutnyo anu kiijo' i Mikhmas.

1 SAMUEL 13:5

Tempo'nyo aijo' aha mian nu Filistin nosa'angu'mo suele kahanda'mo montumbuhi aha mian nu Israel; aha ko kaleta anu bau pahampate 30.000, ka' 6.000 na mian anu monsake'i ajahan, tiba to sulu-suludadu konjoo'nyo sumomo bone' ibiwi nu ambai. Aha binakemahmo i kiijo' i Mikhmas sasu kabete'an Bet-Awen.

1 SAMUEL 14:31

I sinaa aijo' aha mian nu Israel nompatundu'mo mian nu Filistin salatan nahampatemo nontuusakon jalan lengkat mae i Mikhmas tinoka-toka i Ayalon. Panyo i lapas aijo' aha nalawemo hondo.

1 SAMUEL 14:5

Batu gahanggan anu i sasu Utara mo'ahop mokiijo' i Mikhmas, ka' anu i sasu Selatan mo'ahop mokiijo' i Geba.

1 SAMUEL 14:52

Tempo'nyo ia daagi tutuu' saja' hondo nahampate totu-totu'u nongewa mian nu aha Filistin. Mokonyo aijo' de i Saul montoamo mian anu mahoson ka' baani, lia-lia' na nu hangkat da bau suludadunyo.

1 SAMUEL 15:34

Lapas aijo' i Samuel nambamo i Rama ka' i Tomundo' Saul suele ninsusule'mo i laigannyo kiijo' i Gibea.

1 SAMUEL 24:3

Lia-lia' na i Saul nompile'i totolu' na madala na suludadu anu ahi' otaha imani i songko-songko na Israel lantas nambamo nolio i Daud tiba suludadunyo i sasu kabete'an Bungkutnyo nu Batu Mee' nu Kuhat.

1 SAMUEL 26:2

Sahingga nalia-lia' na i Saul namba sinangaluan nu to sulu-suludadunyo anu otaha imani kiijo' i Israel aha totolu' na madala na nambamo nokiijo' i padang anu mateges Zif molio i Daud.

1 SAMUEL 8:11

“Sumo uuka de samian na tomundo nu belemiu mompalentahmo belemiu,” sumo uuka na i Samuel nontutuhakon. “Nupakisa na to ana-anak nu belemiu da bau suludadu; sambagian na aha opotimbali suludadu sumake' i kareta, sambagian bau suludadu monsake'i ajahan, ka' sambagian mule' bau suludadu lumajang tengke.