1 SAMUEL 10:3 - KITAB NU TUMPU ALLA LELE MA'IMAI'

³ I Samuel po'ule mule notatae, “Lengkat itina' beleyum lajangmo lau-laus sahingga toka ikau' tampat ponsomban kiijo' i Tabor. Kiijo' mae beleyum singkabotje tiba aha totolu' na to momo'ane anu mamba i Betel monsombahkon koloban hi Tumpu Allah. Samian montaka' totolu' na anak nu mee' ka' samian mule' nomboa tolumbatu na roti, ka' samian mule' nomboa botutu kilit anu ko isinyo anggur.

1 SAMUEL 10:3 Iomraidhean Croise

KAJADIAN 28:19

Tampat aijo' sinanggohannyomo Betel. (Naipuan mae sanggonyo Lus.)

KAJADIAN 28:22

Ka' tionyo ahi' ku bee'mo hi Tumpu anu sampulu' na bahagian, sambahagian na ku bee' hi Tumpu i han iwi-iwi' apaa na anu nubee' nu Tumpu hi belengku. Batu bau pontandai anu pinotinjongkumo aiya timbalimo bau tampat ponsomban Tumpu.”

KAJADIAN 35:1

Daagi' kino sansinaan Tumpu Allah nompoto'imo hi Yakub, “Akumo na Tumpu Allah anu nanintoa hi beleyum tempo'nyo beleyum nalaimo nompala'imo mae utus tu'a nu beleyum i Esau. Lako'mo lia-lia' mamba i Betel. Jojoongmo kiijo' mae ka' potinjo na mezbah sa'angu' ponsomban Aku.”

MAZMUR 89:12

Langit ka' tano' Belento na tumpu-Nyo, dunia ka' iwi-iwi' na isinyo Belento na nompotimbali.

YEREMIA 32:8

Lantas sosok hondo susumo anu pinoto'imo nu Tumpu tinokamo mae na i Hanameel hi belengku ipopasan nu laigan nu tomundo' ka' nompoto'i da mongoli tano'nyo. Kalana aijo' aku iyakinmo taalu' Tumpu totu-totu'u ahi' notataemo mae hi belengku.

IMAMAT 1:10

De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 23:13

Koloban kaanon sombahkon ohua' na kilogram labu ogalo'i lanya' nu zaitun. Nohongnyo nu koloban aijo' momposanangmo kinyonyoa nu Tumpu. Hingga-hinggat tiba aijo' suele sombahkonmo sa'angu' na liter na anggur.

IMAMAT 3:12

De anu osombahkon sa'angu' na mee', mian anu monsombahkon tionyo ahi' momboa i Kemah nu Tumpu.

IMAMAT 3:6

De anu osombahkon bau koloban pompodame aijo' sa'angu' na domba kabai mee', binatang aijo' lakinyo timbali, kabai behenyo timbali, panyo madi' ko panyakitnyo.

IMAMAT 7:13

Ka' sangga'at mule' anu tionyo ahi' osombahkon, roti anu ogalo'i ragi.

YOSUA 19:12

Potempasan sasu kabete'an lengkat pe'e mae i Sarid mambamo mompanjolongi potempasan nu Khislot-Tabor, lau-laus mamba i Dobrat lantas mokiita'mo i Yafia.

YOSUA 19:22

Potempasan tano' nu aha mompadis Tabor, Sahazima, Bet-Semes, puusnyo i Kaunyo nu Yordan. Dae'rah nu aha aitu monsangkup sampulu' ka' anom na kota tiba kampung-kampung ti-tikupnyo.

TO MIA-MIAN KOPIAN 20:18

Suludadu nu mian Israel aijo' nambamo i tampat ponsomban nu aha Tumpu kiijo' mae i Betel, ka' nompokilawamo hi Tumpu Allah, “O Tumpu, tulunan nu bansa ile na aiya hi kami na momona mamba montumbuhi aha mian nu Benyamin?” Tumpu nontaami, “Tulunan nu bansa Yehuda.”

TO MIA-MIAN KOPIAN 20:27

Tempo'nyo aitu Peti' Palajanjian nu Tumpu Allah kiijo' i Betel, ka' i Pinehas, anak i Eleazar, makumpu i Harun, na mokalaja salaku imam. Sahingga aha mian nu Israel nompokilawamo hi Tumpu, “O Tumpu, pa' tionyo ahi' kami daagi' mamba mompahampateakon to utu-utus mami mian nu Benyamin haha aijo', kabai pa' madi'mo kami aiya mamba mahampate?” Tumpu nontaami, “Tumbuhimo na aha! Dodop Ku bee'imo ka'untungan mahampate na belemiu.”

TO MIA-MIAN KOPIAN 4:12

Salatan i Sisera nohongomo taalu' i Barak nambamo i Bungkutnyo nu Tabor,

TO MIA-MIAN KOPIAN 4:6

Daagi' kino sansinaan ia nompokaumo mian molaga i Barak, anak i Abinoam anu kiijo' mae i kota Kedes i da'erah Naftali. Lantas pinoto'inyomo hi Barak, “Sumo uuka na palentah nu Tumpu, Tumpu Allah nu Israel toka hi beleyum; 'Posihuk na to momo'ane 10.000 na mian anu hi aha tulunan i Naftali tiba hi Zebulon, ka' oboa na aha i Bungkutnyo nu Tabor.

TO MIA-MIAN KOPIAN 8:18

Lapas aijo' i Gideon nompokilawamo hi Zebah tiba hi Salmuna “Mosia na to ohu-ohup nu mian anu pinateanmo nu belemiu kiijo' i Tabor?” I Zebah tiba i Salmuna nontaamimo, “Aha iwi-iwi' moho-moho' montiho belento, sumo lee' mae nu to mia-mian daka'.”

1 SAMUEL 10:4

Aha monsalando'aije beleyum ka' nu bee'ije nu aha na beleyum uambatu na roti anu tionyo ahi' nu ala nu beleyum.