1 SAMUEL 1:3 - KITAB NU TUMPU ALLA LELE MA'IMAI'

³ Sataun toka sataun i Elkana mamba lengkat i Rama da monsombah Tumpu kiijo' i Silo ka' monsombahkon koloban hi Tumpu Anu Daka na kuasanyo. Anu tinimbali imam nu Tumpu kiijo' i Silo aijo'mo i Hofni tiba i Pinehas, aha to ana-anak i Eli.

1 SAMUEL 1:3 Iomraidhean Croise

MAZMUR 78:60

Pinala'ian-Nyomo na Kema'Nyo kiijo' i Silo, anu binau kajojoongan-Nyo sama-sama nosangalu aha.

NOSABATMO 23:14

“Sataun toka sataun belemiu tionyo ahi' mombau totolu' na lamean bau pongadati Aku.

NOSABATMO 23:17

De konamo i taun, molame'akonmo totolu' na lamean aijo', iwi-iwi' na to momo'ane tionyo ahi' tokamo mae monsombah Aku, Tumpu Allah nu belemiu.

NOSABATMO 34:23

Sataun pintolun na to momo'ane tionyo ahi' toka monsombah Aku, Tumpu Allah nu aha Israel.

LUKAS 2:41

Sataun toka sataun tu'anyo i Yesus namba i Yerusalem molame'akon Sinaa Daka' Paskah.

PO'ULE' INGULIT 16:16

Iwi-iwi' na to momo'ane nu aha Israel tionyo ahi' toka mae monsombah Tumpu Allah nu belemiu i tampat anu pinile'an-Nyomo sataun pintolun aijo'mo i Sinaa Lamean nu Paskah, i Lamean Monsawe' gandum, tiba Lamean Tahop o atopi nu Hon nu kau'. Batu-batu mian tionyo ahi' momboa palasombahan.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

TO MIA-MIAN KOPIAN 18:31

Patong pilogot anu pinosi bau i Mikha aijo' tataap kiijo' i Lais, sumo aitu mule' na Kemah nu Tumpu tataap kiijo' i Silo.

TO MIA-MIAN KOPIAN 21:19

Sumo uuka'na koonyo nu aha, “daagi ko jalan sa'angu', aijo'mo ko lamean anu saja' obau sataun toka sataun kiijo' i Silo, monsombah Tumpu.” (I Sasu salatan silo aiya daagi ko kota Betel ka i sasu kinsobannyo daagi ko jalan daka'lengkat mae i Betel mokiijo' i Sikhem ka' i sasu utaranyo ko kota Lebona.)

1 SAMUEL 1:21

Tinokamo na tempo'nyo mule' i Elkana tiba aha salaigan po ule'mo mamba i Silo da monsombahkonmo koloban hi Tumpu susumo anu saja' obau sataun toka sataun. Ka' mule' i Elkana binalajanji'mo da monsombahkon koloban anu memang jinanji'nyomo.

1 SAMUEL 1:9

Daagi kinosansinaan noko kaan na aha kiijo' i Laigan nu Tumpu i Silo, i Hana nobungkutmo nompala'imo meja' pongkaanan. Tempo'nyo aitu i Imam Eli suele kiijo' i Laigan nu Tumpu hau-haunyo suha-suhang i kadelanyo koko sabatan. Talalomo hondo nolibos na i Hana ka' binalado'amo hi Tumpu ka' i humangmo hondo totu-totu'u.

1 SAMUEL 14:3

Imam anu nomboa baju' nu imam aijo'mo i Ahiya anak i Ahitub, utus ise' i Ikabod anak i Pinehas, ka' i Pinehas anak i Eli, imam nu Tumpu kiijo' i Silo.) Mian da'isan suele madi' monsumbu' i Yonatan taalu' nambamo nompala'i tampat i kiijo'.

1 SAMUEL 2:19

Sataun toka sataun tinanyo mongka'uti juba' ise' lantas nu bee'mo hi Samuel de boune aijo' mamba hingga-hinggat tiba langkainyo monsombahkon koloban anu saja' obau sataun toka sataun.

1 SAMUEL 2:34

Salaku tanda saba' iwi-iwi' na anu pinoto'ing-Kumo totu'u saidi mae tionyo ahi' jadi, anak nu beleyum ua aha aijo' i Hofni tiba i Pinehas silaka i uno nu sansinaa.

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.

1 SAMUEL 4:11

Peti' Palajanjian nu Tumpu Allah ingagoanmo nu sampo bali' nu aha Israel, ka' ua-ua aha na anak i Eli, i Hofni tiba i Pinehas sinilakamo.

1 SAMUEL 4:4

Lantas aha nonsaimo mian namba i Silo mongala Peti' Palajanjian nu Tumpu, anu salaku kajojoongan nu Tumpu Anu Daka' na kuasanyo. Anak i Eli ua-ua aha, i Hofni tiba i Pinehas na nontuntuni mae Peti' Palajanjian aijo'.