WAHYU 7:3 - PERJANJIAN AMPAI KABAR BETIK

³ Malaikat udi cawa, “Dang pai nyadangko darak atau laok, atau batang-batang kik sekam makkung ngeni tanda segel di tagak jelma-jelma sai ngebantu-Ni Allah ram.”

WAHYU 7:3 Iomraidhean Croise

MATIUS 24:22

Sekirani Allah mak ngegelukko waktuni; maka mak ngedok sai jelma pun sai selamat. Kidang mani umat-Ni, Allah ngegelukko masa ano.

MATIUS 24:31

Trumpet balak haga dibunyiko, rik Anak Manusia haga ngayun malaikat-malaikat-Ni ngumpulko umat-Ni jak ke epak penjuru bumi, jak uncuk langit sai sampai uncuk langit sai bareh.”

YOHANES 12:26

Jelma sai haga ngelayani Nyak haga nutuk Nyak; in jelma sai ngelayani-Ku dapok jama-jama di dipa Nyak wat. Jelma sai ngelayani Nyak haga dihormati Bapa-Ku.”

YOHANES 3:33

Jelma sai percaya jama kesaksian-Ni ano, ngakui bahwa Allah benor.

ROMA 6:22

Kidang tano keti radu dibebasko jak dusa, rik jadi jelma sai ngebantu sai taat Allah. Untungmu iado bahwa Puari hurik khusus untuk Allah rik hal udi ngehasilko hurik sejati rik kekal.

WAHYU 13:16

Sunyinni jelma, balak rik lunik, mebatin rik mejerih, budak rik jelma bebas, dipaksa ulih binatang udi untuk nerima tanda di culuk kanan tian atau di tagak tian.

WAHYU 13:17

Mak sai jelma pun dapok ngebeli atau ngejual sai hal, kik ia mak ngedok tanda udi, yakdo gelar binatang udi tenggalan, atau angka sai nyatako gelar udi.

WAHYU 14:1

Radu jak seno nyak ngeliak, raduni keliakan Anak Biri-biri udi cecok di atas Bukit Sion. Jejama Ia wat 144.000 jelma sai ditagak masing-masing tetulis gelar-Ni gelar Bapa-Ni.

WAHYU 14:9

Sai malaikat ketelu nyusul rua malaikat udi, sambil beseru jama suara keras, “Jelma sai memuja binatang udi jama patungni, rik ngedok tanda binatang udi di tagak atau culukni,

WAHYU 19:2

Penghakiman-Ni adil rik bijaksana! Ia radu ngeniko hukuman mik atas jelma sai ngelacorko diri sai paling hibat, sai nyadangko dunia jama perbuatan hajorni. Allah radu ngehukum jelma sai ngelacorko diri udi, mani ia ngebunuh jelma-jelma sai ngebantu Allah.”

WAHYU 20:4

Raduni nyak ngeliak takhta-takhta, rik jelma-jelma sai mejong di takhta-takhta udi dikeni kuasa untuk mutusko hukuman. Nyak ngeliak juga jiwa-jiwa jelma-jelma sai radu dipelok uluni mani tian ngeni kesaksian tentang Isa, rik nyebarko luhot jak Allah. Jelma-jelma udi mak nyumbah binatang, ataupun patungni. Tian pun mak pernah menerima tanda binatang udi di tagak atau culuk tian. Maka tian hurik luot rik memerintah sebagai raja jejama Almasih selama seribu tahun.

WAHYU 22:4

rik ngeliak pudak-Ni. Gelar-Ni haga ditulis di tagak tian.

WAHYU 6:6

Rik nyak ngedengi sai hal sai kedengian injuk suara sai beseru jak tengah-tengah keepak makhluk udi. Suara udi cawa, “Seliter gandum sai betik gegoh rega upah serani, rik telu liter gandum jenis bareh gegoh upah rega serani juga. Kidang dang nyadangko batang-batang zaitun rik kebun anggor!”

WAHYU 7:1

Radu jak seno, nyak ngeliak epak malaikat cecok di keepak penjuru bumi. Tian nahan keepak angin rik di bumi dang wat angin sai betiup di darak atau di laok, atau di batang-batang.

WAHYU 7:2

Raduni nyak ngeliak sai malaikat sai bareh muncul jak kebelah timur. Ia ngusung segel jak Allah sai hurik. Jama suara keras malaikat udi ngurau keepak malaikat sai radu mansa kuasa jak Allah untuk nyadangko darak rik laok.

WAHYU 9:4

Tian dilarang nyadangko jukuk, atau batang-batang, atau tanoman-tanoman barehni. Tian angkah ngasi nyerang jelma-jelma sai ditagakni mak ngedok tanda segel jak Allah.