WAHYU 15:2 - PERJANJIAN AMPAI KABAR BETIK

² Radu jak seno nyak ngeliak sai hal sai keliakanni injuk laok kaca becampor apui. Nyak ngeliak juga jelma-jelma sai radu menang atas binatang rik patungni, rik menang atas jelma sai gelarni jama angka. Jelma-jelma sai menang udi cecok di pingger laok kaca sambil nyating kecapi sai dikeniko ulih-Ni Allah jama tian.

WAHYU 15:2 Iomraidhean Croise

WAHYU 4:6

Wat juga di hadap takhta udi sai hal sai keliakan injuk laok kaca, bening injuk kristal. Di keliling takhta, di unggal sisini, wat epak makhluk, sai bagian hadap rik bagian kudanni latap jama mata.

WAHYU 12:11

Puari-puari ram radu ngalahko ia jama rah Anak Biri-biri udi, rik jama kabar benor jak Allah sai tian kabarko. Tian rila ngurbanko nyawa tian sampai mati.

WAHYU 5:8

Sementara Anak Biri-biri udi bebuat injuk reno, tersungkordo keepak makhluk rik kerua puluh epak jelma sai mimpin udi di hadap-Ni. Tian masing-masing nyating kecapi rik cumbung emas sai ngisi kemiyan, yakdo dua-dua umat-Ni Allah.

WAHYU 21:18

Sesai kota udi disani jak batu baiduri pandan, sedangko kotani tenggalan jak emas murni, bening injuk kaca.

1 PETRUS 1:7

Tujuanni iado untuk ngebuktiko api keti temon-temon percaya jama Tuhan atau mawat. Emas sai dapok cadang pun, diuji jama apui. Nah, iman keti lebih berega jak emas, jadi harus diuji in jadi kuat. Rik jama injuk reno keti haga dipuji rik dihormati rik dilanggarko di rani Isa Almasih ratong luot.

MATIUS 3:11

Nyak ngebaptis niku jama way untuk nyatako bahwa niku radu betubat jak dusa-dusamu; kidang sai haga ratong radu jak nyak, haga ngebaptis niku jama Ruh Allah rik apui. Ia lebih balak jak nyak. Untuk ngusung sepatu-Ni pun nyak mak layak.

WAHYU 13:14

Rik sunyin jelma sai hurik di bumi ditipuni jama keanehan-keanehan sai ngasi disanini di hadap binatang sai mula-mula udi. Rik tian sunyinni dikayunni ngediriko sai patung jak binatang sai radu dikatanko ulih pedang, kidang tetap hurik.

1 PETRUS 4:12

Puari-puari sai tecinta! Keti tano menderita nihan mani sedang diuji. Kidang dangdo ngerasa hiran, seolah-olah wat sai hal sai luar biasa tejadi jama niku.

WAHYU 13:1

Kak raduni nyak ngeliak sai binatang muncul jak delom laok. Ia ngedok puluh tungkah rik pitu ulu. Di unggal tungkahni wat sai mahkota, rik di unggal uluni tetulis sai gelar sai hina tehadap Allah.

WAHYU 13:17

Mak sai jelma pun dapok ngebeli atau ngejual sai hal, kik ia mak ngedok tanda udi, yakdo gelar binatang udi tenggalan, atau angka sai nyatako gelar udi.