LUKAS 9:23 - PERJANJIAN AMPAI KABAR BETIK

²³ Kak raduni Isa cawa jama sunyinni jelma sai way di dudi, “Jelma sai haga nutuk jama Nyak, haga ngelupako kepentinganni tenggalan, mikul salibni unggal rani, rik terus nutuk Nyakku.

LUKAS 9:23 Iomraidhean Croise

ROMA 8:13

Mani kik keti hurik nutuk tabiatni manusia, maka keti haga mati; kidang kik jama kuasa Ruh-Ni Allah, keti terus gaoh mematiko perbuatan-perbuatanmu sai bedusa, maka keti haga hurik.

KOLOSE 3:5

Ulihni seno, matiko rasa kemirakanni dunia sai ngerongrong dirimu, injuk guai hajor, hal-hal sai mak keruan, hawa nafsu, rasa mirak sai jahat, rik keserakahan (mani keserakahan yakdo gegoh jama nyumbah berhala).

2 TIMOTIUS 3:12

Sangun sunyin jelma sai haga hurik beibadah rik hurik besatu jama Isa Almasih haga dianiaya,

TITUS 2:12

Rahmat-Ni Allah udi ngedidik ram in mak lagi hurik belawanan jama kehaga-Ni Allah rik mak nutuk kemirakan dunia. Ram dididik untuk hurik nahan diri delom dunia inji, tulus rik setia jama Allah.

IBRANI 13:13

Ulihni seno, ijado ram mik jama Ia di luah perkemahan rik nutuk dihina jejama Ia.