LUKAS 9:11 - PERJANJIAN AMPAI KABAR BETIK

¹¹ Kidang waktu jelma bareh pandai tentang hal seno, tian nutuk Isa. Ia nerima tian, kak raduni cawa jama tian repa cara Allah merintah sebagai Raja. Ia juga ngunyaiko jelma meruyuh jak hantara jelma-jelma seno.

LUKAS 9:11 Iomraidhean Croise

MATIUS 12:15

Isa pandai bahwa jelma-jelma Farisi udi beniat jahat tehadap diri-Ni. Jadi Ia mik jak rang udi rik lamon jelma nutuk Ia. Raduni Ia ngunyaiko sunyinni jelma sai meruyuh.

MATIUS 14:14

Waktu Isa regah jak jukung rik ngeliak jelma lamon udi, Ia kesian jama tian. Raduni Ia ngunyaiko jelma-jelma sai meruyuh di hantara tian.

MATIUS 21:31

Nah, jak hantara kerua sanak ano, sapa sai ngelakuko kehaga bakni?” “Sai tuha,” jawab imam-imam kepala rik jelma-jelma sai mimpin Yahudi ano. Maka Isa cawa jama tian, “Percayado: Tukang-tukang tagih pajak rik bebai-bebai lacor haga lebih mena jadi anggota umat Allah jak keti.

MATIUS 21:43

“Jadi ingokdo,” ani Isa, “sunyinni hak sebagai umat Allah haga dicabut jak niku rik dikeniko jama sai bangsa sai haga ngejalanko perintah-perintah Allah. [

LUKAS 1:53

Jelma sai mebetoh dipuasko-Ni, jama unyinni kebaikan, sai jelma batin diuser jama bangkang gaoh.

LUKAS 5:31

Isa ngejawab, “Jelma sai sihat mak perlu dokter, angkah jelma sai meruyuh sai perlu.

LUKAS 8:1

Mak mesaka jak seno, Isa mik kota-kota rik pekon-pekon, untuk nyampaiko Kabar Betik bahwa Allah mulai memerintah sebagai Raja. Rua belas jelma-jelma sai nutuk Ia jejama Ia.

LUKAS 8:10

Isa ngejawab, “Keti radu dikeni kepintaran in pandai rahasia injuk repa Allah memerintah sebagai Raja. Kidang ulun-ulun sai diajar jama perumpamaan, in tian wat perhatian, kidangni mak pandai api sai tejadi; tian ngedengi, kidang mak ngerti.”

LUKAS 9:10

Jelma-jelma sai nutuk Isa muloh rik nyeritako jama Isa sunyinni sai radu diguaiko tian. Isa ngurau tian, mik jejama menyendiri di kota Betsaida.

LUKAS 9:12

Waktu matarani mulai tebenam, ke rua belas jelma sai nutuk Isa ratong jama Ia rik cawa, “Pak, rang inji tepencil. Lebih baik Bapak ngayun jelma-jelma inji mik, in tian dapok nyepok kanikan rik rang minok di pekon-pekon sai redik dija.”

LUKAS 9:2

Kak raduni Ia ngayun tian mik ngunyaiko ulun meruyuh rik nyiarko kabar repa cara Allah merintah sebagai Raja.

YOHANES 4:34

Kak raduni Isa cawa, “Kanikan-Ku iado nutuk kehaga-Ni Ia sai ngutus Nyak, rik ngeraduko guaian sai diserahko-Ni jama Nyak.

YOHANES 6:37

Sunyinni jelma sai dikeniko Bapa jama Nyak haga ratong jama Nyak. Nyak mak haga nulak sapa pun sai ratong jama Nyak.

KISAH RASUL-RASUL 28:31

Rik ia bani ngeberitako jama tian tentang injuk repa Allah merintah sebagai Raja rik tentang Tuhan Isa Almasih. Paulus bebas ngelakuko ano, tanpa dihalang-halangi. 105

ROMA 10:14

Kidang injuk repa jelma dapok beseru jama Tuhan kik tian makkung percaya? Rik injuk repa tian dapok percaya jama Tuhan kik tian makkung ngedengi tentang Ia? Rik injuk repa tian dapok ngedengi tentang Tuhan, kik mak ngedok sai ngabarko?

ROMA 10:17

Udi sebabni jelma-jelma jadi percaya mani tian ngedengi kabar, rik kabar didengi mani wat jelma sai ngabarko tentang Almasih.

ROMA 15:3

Mani Almasih pun mak mikerko kesenangan-Ni tenggalan. Di delom Alkitab tetulis injuk reji, “Sunyin celaan sai ditujuko jama Niku radu jatuh di atasku.”

2 TIMOTIUS 4:2

Hagani niku ngabarko kabar jak Allah udi, rik terus ngedesak in jelma ngedengini, api tian haga atau mawat. Hagani niku ngeyakinko jelma, nunjukko kesalahan, rik ngeni durongan jama tian. Ajardo jelma sesabar mungkin.

IBRANI 4:16

Ulihni seno, ijado ram ngebaniko diri ngehadap Allah sai memerintah jama betik hati. Allah haga mengasihi ram rik ngeberkati ram in ram mansa tulungan tepat waktuni.