LUKAS 9:1 - PERJANJIAN AMPAI KABAR BETIK

¹ Isa ngurau rua belas jelma sai nutuk Ia, Ia ngeniko jama tian kuasa untuk nguser ruh jahat rik munyaiko penyakik.

LUKAS 9:1 Iomraidhean Croise

MATIUS 16:19

Nyak haga ngeniko jama niku kunci jak Dunia Ampai Allah. Api sai niku larang di atas bumi, juga dilarang di surga. Rik api sai niku benorko di atas bumi, juga dibenorko di surga.”

MATIUS 4:24

Kabar tentang Isa ano tesiar di sunyinni negeri Siria, sehingga lamon jelma ratong jama Ia. Tian ngusung jelma-jelma sai menderita sunyin macam penyakik rik kesusahan. Jelma-jelma sai kekurukan ruh jahat, sai sakik ayan, rik sai lumpuh, sunyinni dimunyaiko ulih Isa.

MATIUS 8:9

Mani nyak pun haga tunduk jama perintah atasan. Rik di debahku wat juga prajurit-prajurit sai haga tunduk jama perintahku. Kik nyak ngayun sai prajurit, ‘Mik!’ ia pun mik. Nyak ngucakko jama sai bareh, ‘Mik dija!’ ia pun ratong; rik kik nyak merintahko jelma sai ngebantuku, ‘Sanido inji!’ ia pun nyanini.”

LUKAS 10:1

Radu jak seno, Tuhan milih pitu puluh jelma sai nutuk luot, Ia ngutus tian rua-rua mik mena jak Ia mik unggal kota rik rang sai haga ditapol-Ni.

LUKAS 10:19

In keti pandai! Keti radu Kukeni kuasa in keti dapok ngilikko ulai rik kala rik matohko unyinni kekuatan musuh, tanpa wat api pun sai dapok ngecelakako keti.

YOHANES 14:12

Temon nihan cawa-Ku inji: Jelma sai percaya jama Nyak, haga ngeguaiko api sai radu Kuguaiko, – malah ia haga ngeguaiko sai lebih balak lagi – mani Nyak mik jama Bapa.

KISAH RASUL-RASUL 1:8

Kidang keti haga mansa kuasa, kik Ruh Allah radu ratong jama niku. Rik keti haga jadi saksi-saksi untuk-Ku di Yerusalem, di seluruh Yudea, di Samaria, rik sampai mik uncuk bumi.”

KISAH RASUL-RASUL 3:16

Puari-puari radu ngeliak rik nyaksiko api sai tejadi jama jelma lumpuh sinji. Ia radu jadi kuat rik sihat muloh mani ia percaya jama Isa jama kuasa-Ni. Mani percaya jama Isa maka jelma sinji radu jadi sihat muloh di hadapan Puari-puari.

KISAH RASUL-RASUL 4:30

Kenikodo tulungan Niku in jelma meruyuh dimunyaiko rik keajaiban-keajaiban rik hal-hal sai luar biasa tejadi liwat kekuasaan rik kekuatan jak gelar Isa, Jelma Sai Ngebantu Niku sai suci udi.”

KISAH RASUL-RASUL 9:34

Petrus cawa jama Eneas, “Eneas, Isa Almasih ngunyaiko niku. Minjakdo rik uyunko rang pedommu.” Waktu seno juga Eneas minjak.