LUKAS 8:18 - PERJANJIAN AMPAI KABAR BETIK

¹⁸ Makani perhatiko betik-betik api sai keti dengi. Mani jelma sai radu wat, haga dikeni lebih lamon lagi; kidangni jelma sai mak ngedok api-api jama ia masih haga diakuk juga.”

LUKAS 8:18 Iomraidhean Croise

MATIUS 13:12

Mani jelma sai radu ngedok, haga dikeni lebih lamon lagi, rik ia haga bekelebihan. Kidang jelma sai mak ngedok api-api, maka cutik sai wat jama ia malah haga diakuk.

MATIUS 25:29

Mani jelma sai radu ngedok, haga dikeni lebih lamon luot rik ia haga bekelebihan. Kidang jelma sai mak ngedok, cutik sai masih wat jama ia haga diakuk juga.

MARKUS 13:14

“Keti haga ngeliak ‘Kejahatan sai Ngehancorko’ cecok di rang sai dilarang bagi ia. (Catatan jama pembaca: Perhatikodo api retini!) Pada waktu seno ulun sai wat di Yudea haga tegar mik pegunungan.

LUKAS 19:26

Raja udi ngejawab, ‘Ingok: jelma sai radu ngedok, jama ia haga dikeni lebih lamon lagi. Kidang jelma sai mak ngedok api sai wat jama ia haga diakuk muneh jak ia.

LUKAS 9:44

“Perhatiko betik-betik rik dang lupa cawa-cawa-Ku inji: Anak Manusia haga diserahko jama kuasa jelma.”

YOHANES 15:2

Unggal cabang-Ku sai mak bebuah, dipelok-Ni, rik unggal cabang sai bebuah, dikurangi bulungni rik dikecahko-Ni in lebih lamon lagi uahni.

KISAH RASUL-RASUL 10:33

Udi sebabni nyak segera ngayun ulun mik ngurau Tuan. Rik Tuan temon betik hati untuk ratong mik dija. Tano sekam sunyinni bekumpul di dija di hadap Allah untuk ngedengiko seluruh sai Allah kayun Tuan cawako jama sekam.”

KISAH RASUL-RASUL 17:11

Jelma-jelma di Berea lebih tebukak hatini jak jelma-jelma di Tesalonika. Tian senang hati ngedengiko kabar tentang Isa, unggal rani tian nyelidiki Alkitab untuk nyepok pandai api pengajaran Paulus udi benor.

ROMA 12:3

Allah radu ngeni anugerah jama nyak. Udi sebabni nyak ngeni petuah Puari-puari sunyinni: Dang ngerasa diri lebih langgar jak sai sebenorni. Hagani keti nilai keadaan dirimu jama rendah hati; masing-masing menilai dirini nutuk kemampuan sai dikeniko Allah jama ia mani ia percaya jama Isa.

1 KORINTUS 14:37

Kik wat jelma sai ngerasa ngedok karunia untuk nyampaiko kabar jak Allah, atau ia ngedok karunia sai barehni jak Ruh-Ni Allah, jelma udi harus sadar bahwa api sai kutulis inji iado perintah-Ni Tuhan.

1 KORINTUS 3:18

Dangdo sai jelma pun nipu dirini tenggalan. Kik wat jelma di hantaramu ngerasa dirini bijaksana nutuk ukoran dunia inji, ulun udi harus jadi bugu, in ia jadi benor-benor bijaksana.

1 KORINTUS 8:2

Jelma sai nyangko bahwa ia pandai lamon, sebenorni makkung pandai serelom-relomni.

FILIPI 3:4

Sebenorni nyak gaoh dapok begantung jama upacara-upacara udi. Mani kik wat sai jelma sai ngerasa ia ngedok alasan untuk begantung jama upacara sai besifat laher, nyak lebih lagi.

IBRANI 2:1

Udido sebabni ram harus lebih temon-temon nyating ajaran sai radu ram dengi, in ram dang ninggalko kepercayaan ram.