LUKAS 8:15 - PERJANJIAN AMPAI KABAR BETIK

¹⁵ Bibit sai gugor di tanoh sai subor, injuk jelma sai ngedengi kabar ano, raduni nyegokko di delom hati sai betik rik jujor. Tian betahan sampai ngehasilko uah.”

LUKAS 8:15 Iomraidhean Croise

MATIUS 24:13

Kidang jelma sai betahan sampai akher, haga diselamatko.

LUKAS 11:28

Kidang Isa ngejawab, “Lebih bahagia lagi jelma sai ngedengi cawani Allah rik ngelakukoni!”

LUKAS 6:45

Jelma sai betik ngeluahko hal-hal sai betik mani hatini latap jama kebaikan. Ulun sai jahat ngeluahko hal-hal sai jahat mani hatini latap jama kejahatan. Api sai dicawako ulihni banguk senodo sai luah jak hati.”

LUKAS 8:14

Bibit sai gugor di tengah semak-semak injuk jelma ngedengi kabar, kidang khuater jama hurikni rik mirak mebatin rik senang delom dunia ajo. Sunyinni seno ngehimpit hurikni, sehingga mak ngehasilko uah sai mesak.

LUKAS 8:16

“Mak ngedok jelma sai masang lampu kak raduni nyalokni jama runcung, atau ngepikko lampu seno di debah rang pedom. Ia haga ngepikko lampu ano di rang sai langgar, in ulun sai kuruk dapok ngeliak sinarni.

YOHANES 14:15

“Kik keti mengasihi Nyak, keti haga ngejalanko perintah-perintah-Ku.

YOHANES 15:10

Kik keti ngejalanko perintah-perintah-Ku, keti tetap setia jama kasih-Ku, gegoh injuk Nyak tetap setia jama kasih Bapa mani ngejalanko perintah-perintah-Ni.

ROMA 2:7

Allah ngeniko hurik sejati rik kekal jama tian sai tekun bebuat baik untuk ngedapokko sai mulia, sai tehormat, rik sai abadi.

ROMA 6:22

Kidang tano keti radu dibebasko jak dusa, rik jadi jelma sai ngebantu sai taat Allah. Untungmu iado bahwa Puari hurik khusus untuk Allah rik hal udi ngehasilko hurik sejati rik kekal.

ROMA 7:18

Nyak pandai bahwa mak ngedok sai pun sai betik di delom diriku; yakdo di delom tabiatku sebagai manusia. Mani wat kemirakan jama nyak untuk ngelakuko sai betik, kidang nyak mak sanggup ngejalankoni.

ROMA 7:4

Injuk reno juga halni jama keti, Puari-puariku. Tehadap hukum agama Yahudi keti radu mati, mani keti radu dipersatuko jama badan Almasih rik jadi kedau-Ni sai radu dihurikko luot jak kematian. Ia dihurikko jak kematian in ram jadi beguna bagi Allah delom kehurikan ram.

ROMA 8:25

Kidang kik ram ngeharapko sai hal sai makkung ram liak, maka ram nungguni jama sabar.

1 KORINTUS 7:19

Mani nutuk atoran sunat atau mak nutukni, kerua-ruani jejama mak bereti api-api. Sai penting iado nutuk perintah-perintah-Ni Allah.

EFESUS 2:8

Allah ngasihi keti, ulihni seno Ia nyelamatko keti mani keti percaya jama Isa. Keselamatan keti udi lain hak hasil usahamu tenggalan. Udi anugerah-Ni Allah. Jadi, mak ngedok sai jelma pun sai dapok mungahko dirini tentang hal seno.

FILIPI 1:11

Hurikmu haga melimpah jama perbuatan sai temon-temon betik sai angkah dapok dihasilko ulih-Ni Isa Almasih tenggalan; maka Allah haga dimuliako rik dipuji-puji.

KOLOSE 1:10

Jama injuk reno keti dapok hurik nutuk kehaga-Ni Allah, rik selalu nyenangko hati-Ni, sehingga delom sunyin hal keti dapok ngehasilko hal-hal sai betik. Rik pengetahuan keti tentang Allah pun haga betambah juga.

KOLOSE 1:6

Kabar jak Allah udi tesebar mik sunyin dunia, rik hurik jelma terus diberkati ulih kabar udi, gegoh injuk hurikmu diberkati jak waktu keti ngedengi tentang rahmat-Ni Allah rik benor-benor ngehayatini.

IBRANI 10:36

Keti perlu besabar, in keti dapok ngelakuko kehaga-Ni Allah rik jama injuk reno nerima api sai dijanjiko-Ni.

IBRANI 2:1

Udido sebabni ram harus lebih temon-temon nyating ajaran sai radu ram dengi, in ram dang ninggalko kepercayaan ram.

YAKOBUS 1:4

Jagado in ketabahan hatimu ano terus bekembang sampai keti jadi temon-temon sempurna rik mak kekurangan delom hal api pun.

1 YOHANES 2:3

Kik ram taat jama perintah-perintah-Ni Allah, udi tandani bahwa ram kenal jama Allah.