LUKAS 8:14 - PERJANJIAN AMPAI KABAR BETIK

¹⁴ Bibit sai gugor di tengah semak-semak injuk jelma ngedengi kabar, kidang khuater jama hurikni rik mirak mebatin rik senang delom dunia ajo. Sunyinni seno ngehimpit hurikni, sehingga mak ngehasilko uah sai mesak.

LUKAS 8:14 Iomraidhean Croise

MATIUS 13:22

Bibit sai gugor di tengah-tengah semak keruwi injuk jelma-jelma sai ngedengi kabar udi, kidang khuater tentang hurik tian rik mirak hurik mewah. Ulihni seno kabar jak Allah tehimpit di delom hati tian hingga mak bebuah.

MARKUS 4:19

kidang khuater tentang hurik tian rik mirak hurik mewah. Nafsu untuk bebagai hal hurik kuruk delom hati tian. Ulihni seno kabar jak Allah tehimpit di delom hati tian, sehingga mak bebuah.

LUKAS 16:13

Mak ngedok sai jelma pun dapok beguai jama rua majikan; mani ia haga lebih sayang jama salah sai majikanni, atau ia haga lebih setia jama tuan sai sai jak sai bareh. Reno muneh jama keti. Keti mak dapok beguai untuk Allah rik untuk harta benda juga.”

LUKAS 21:34

“Jaga dirimu, dang sampai keti sibuk pesta-pesta rik nginum inuman sai keras, atau mikerko masalah hurik, akherni keti mawat siap kik rani seno tecul tiba-tiba.

LUKAS 8:13

Bibit sai gugor di rang sai bebatu injuk jelma sai waktu ngedengi kabar seno, nerima jama senang hati. Kidang kabar seno mak ngedok bakak delom hati tian. Tian percaya serebok gaoh, kik wat pencubaan hurik, tian murtad.

LUKAS 8:15

Bibit sai gugor di tanoh sai subor, injuk jelma sai ngedengi kabar ano, raduni nyegokko di delom hati sai betik rik jujor. Tian betahan sampai ngehasilko uah.”

LUKAS 8:7

Wat muneh bibit sai gugor di delom semak keruwi. Semak keruwi ano tuoh jejama bibit ano, dihimpitni bibit seno hingga mati.

YOHANES 15:6

Jelma sai mak tetap besatu jama Nyak, haga ditokko injuk cabang, raduni jadi menyangu. Cabang-cabang sai injuk sedi haga dikumpulko rik ditokko delom apui, kak raduni disuah.

1 TIMOTIUS 6:17

Jama jelma-jelma sai mebatin di dunia inji hagani niku ngilu in tian dang mepungah rik dang ngeharap jama barang-barang sai mak tetap – injuk halni jama kebatinan. Tian harus beharap jama Allah sai ngeniko sunyin sai hal belimpah jama ram in ram ngerasakoni.

2 TIMOTIUS 4:10

mani Demas radu ninggalko nyak mani mencintai dunia inji. Ia radu mik di Tesalonika, Kreskes radu mik di Galatia, rik Titus mik Dalmatia.

IBRANI 6:1

Ulihni seno, ijado ram maju mik ajaran-ajaran sai lebih lanjut tentang hurik Kristen sai dewasa, rik dang angkah ngeperhatiko dasar-dasar mula-mula ajaran agama ram. Dang ram ngulangi lagi ajaran dasar bahwa jelma harus taru ngelakuko hal-hal sai mak beguna rik harus percaya jama Allah,