LUKAS 8:13 - PERJANJIAN AMPAI KABAR BETIK

¹³ Bibit sai gugor di rang sai bebatu injuk jelma sai waktu ngedengi kabar seno, nerima jama senang hati. Kidang kabar seno mak ngedok bakak delom hati tian. Tian percaya serebok gaoh, kik wat pencubaan hurik, tian murtad.

LUKAS 8:13 Iomraidhean Croise

MARKUS 6:20

Mani Herodes radu ngayun ulun ngejaga betik-betik keselamatan Yohanes di bui, mani ia rabai jama Yohanes. Ia pandai Yohanes jelma sai betik sai diutus ulih Allah. Rik kik Yohanes cawa, Herodes gering juga ngedengikoni, walaupun ia jadi gelisah nihan ulihni.

LUKAS 8:12

Bibit sai gugor di renglaya injuk jelma-jelma sai ngedengi cawa seno. Kidang iblis ratong rik ngerampas kabar seno jak hatini tian, in tian dang percaya rik diselamatko.

LUKAS 8:14

Bibit sai gugor di tengah semak-semak injuk jelma ngedengi kabar, kidang khuater jama hurikni rik mirak mebatin rik senang delom dunia ajo. Sunyinni seno ngehimpit hurikni, sehingga mak ngehasilko uah sai mesak.

YOHANES 15:2

Unggal cabang-Ku sai mak bebuah, dipelok-Ni, rik unggal cabang sai bebuah, dikurangi bulungni rik dikecahko-Ni in lebih lamon lagi uahni.

YOHANES 15:6

Jelma sai mak tetap besatu jama Nyak, haga ditokko injuk cabang, raduni jadi menyangu. Cabang-cabang sai injuk sedi haga dikumpulko rik ditokko delom apui, kak raduni disuah.

YOHANES 5:35

Yohanes udi injuk lampu sai nyala rik memancarko cahaya. Untuk sementara waktu keti senang nerima cahayani ano.

1 KORINTUS 13:2

Meskipun nyak pandai nyampaiko kabar jak Allah, rik ngerti sunyin hal sai relam-relam, rik pandai sunyin hal percaya nihan jama Allah in dapok nyani gunung malih, kidang nyak mak mengasihi jelma bareh, maka nyak mak bereti api-api!

1 KORINTUS 15:2

Kik keti nyating teguh jama api sai kukabarko ano, maka Kabar Betik ano nyelamatko keti; kecuali kik Puari percaya tanpa pengertian.

GALATIA 3:1

Puari-puari ulun Galatia! Keti bugu nihan! Induh keti radu kena pengaruh sapa? Kematian Almasih disalib radu kuterangko sejelas-jelasni jama niku!

GALATIA 3:4

Percuma kedo sunyin sai radu keti alami ano! Masakan percuma!

EFESUS 3:17

Semoga ulihni keti percaya jama Almasih, Almasih tinggal di delom hatimu, rik hurikmu didasarko rik dikuasai ulih kasih.

KOLOSE 1:23

Kidang tantu keti harus tetap setia percaya rik berdiri teguh jama kepercayaanmu. Dang sampai keti ngelepasko harapan sai radu dikeniko jama niku waktu keti nerima Kabar Betik jak Allah. Kabar udi radu dikabarko jama unggal jelma di sunyin dunia. Rik nutuk senodo juga nyak; Paulus, radu jadi jelma sai ngelayani.

KOLOSE 2:7

rik bebakak di delom Ia. Hagani keti ngebangun hurikmu jama Almasih sebagai dasar. Hagani keti makin percaya jama Almasih, nutuk api sai radu diajarko jama niku. Rik hagani hatimu meluap-luap jama ngucapko terima kasih.

1 TESALONIKA 3:5

Udido sebabni nyak ngutus Timotius, mani nyak mirak nihan pandai injuk repa kemajuanmu delom hal percaya jama Almasih. Nyak khuater iblis behasil ngeguda keti sehingga sunyin jerih payah sekam jadi sia-sia.

1 TIMOTIUS 1:19

Bejuangdo jama nyating kepercayaan sai benor rik jama hati sai suci. Wat jelma-jelma sai mak peduli jama suara hatini, sehingga hancordo kepercayaan tian.

IBRANI 10:39

Ram inji lain umat sai mundor rik sesek. Sebalikni, ramdo umat sai percaya jama Allah rik sai diselamatko.

YAKOBUS 2:26

Nah, injuk repa badan tanpa ruh iado badan sai mati, injuk reno juga iman tanpa perbuatan iado iman sai mati.

2 PETRUS 2:20

Jelma sai kenal Tuhan rik Penyelamat ram Isa Almasih radu telepas jak kuasa-kuasa dunia sai ngecemarko manusia. Kidang kik kak raduni ia tejerat lagi hingga dikalahko ulih kuasa-kuasa ano, maka keadaan jelma udi pada akherni lebih burak jak semakkungni.

2 PETRUS 2:22

Api sai tian lakuko ngebuktiko benorni peribahasa inji, “Kaci haga nganik luot api sai radu ia mutahko,” rik “Babui sai radu dimandiko haga muloh beguling-guling di delom litak.”

1 YOHANES 2:19

Musuh-musuh-Ni Almasih udi iado jelma-jelma sai radu ninggalko ram, mani tian sebenorni sangun lain jelma-jelma ram. Kik tian jelma-jelma ram, tantu tian tetap jejama ram. Kidang tian ninggalko ram, in jelas bahwa mak sai jelma pun jak tian sai benor-benor kuruk golongan ram.

YUDAS 1:12

Waktu keti ngadako pesta mengan, sikap jelma-jelma udi memuakko di hantara niku. Mani tian rakus mengan tanpa liom-liom, rik angkah mementingko diri tenggalan. Tian juga injuk awan sai ditiup ulih angin, kidang mak ngeratongko labung. Tian juga injuk batang sai mak ngehasilko uah walaupun musim uah-uahan, batang-batang sai radu dicabut bakakni rik radu mati sama sekali.