LUKAS 6:26 - PERJANJIAN AMPAI KABAR BETIK

²⁶ Celakado keti, kik unyinni jelma mujimu; mani reno juga nenek muyang tian muji nabi-nabi palsu zaman tumbai.”

LUKAS 6:26 Iomraidhean Croise

MATIUS 7:15

“Hati-hatido tehadap nabi-nabi palsu. Tian ratong jama keti bekedok biri-biri, kidang tian sebenorni injuk serigala sai buas.

LUKAS 6:25

Celakado keti sai mebetong tano; mani keti haga kebetohan! Celakado keti sai lalang tano; mani keti haga sedih rik miwang!

YOHANES 15:19

Sekirani keti milik dunia, keti haga dikasihi ulih dunia injuk kedauni. Kidang Nyak radu milih keti jak dunia inji, jadi keti lain lagi milik dunia. Reno sebabni dunia nyuohko keti.

YOHANES 7:7

Dunia inji mak mungkin nyuohko keti. Kidang Nyak sangun dinyuohko ulih dunia, mani Nyak selalu ngucakko jama dunia bahwa perbuatanni jahat.

ROMA 16:18

Mani jelma-jelma sai bebuat injuk reno lain hak beguai untuk Almasih Tuhan ram, melainko untuk memuasko kehagani hati tian tenggalan. Jama bujukkan rik cawa-cawa sai manis, tian nipu ulun-ulun sai mak pandai api-api.

YAKOBUS 4:4

Keti jelma sai mak setia! Pandai mak keti bahwa kik keti bekantik jama dunia, maka keti jadi musuh-Ni Allah. Jadi sapa gaoh haga jadi kantikni dunia inji, ia ngejadiko dirini musuh-Ni Allah.