LUKAS 5:30 - PERJANJIAN AMPAI KABAR BETIK

³⁰ Wat pira jelma Farisi rik guru-guru agama mak senang, tian cawa jama jelma-jelma sai nutuk Isa, “Mengapi keti mengan rik nginum jejama penagih pajak ano, tian kan jelma mak benor?”

LUKAS 5:30 Iomraidhean Croise

MATIUS 5:46

Mani kik keti mengasihi angkah jelma sai mengasihi keti gaoh, untuk api Allah haga ngebalos perbuatanmu ano? Bukankah unyinni penagih pajak pun bebuat injuk reno?

MATIUS 9:11

Wat jelma-jelma Farisi sai ngeliak hal seno. Rik tian betanya jama jelma-jelma sai nutuk Isa, “Api mani gurumu mengan jejama jama tukang tagih pajak rik jelma-jelma mak betik?”

MARKUS 2:16

Pira-pira guru agama jak golongan Farisi ngeliak Isa mengan jejama jama penagih pajak rik jelma-jelma sai dianggap mak betik udi. Jadi tian betanya jama jelma-jelma sai nutuk Isa, “Mengapi gurumu mengan jejama jama tukang-tukang tagih pajak rik jelma-jelma sai mak betik ano?”

MARKUS 7:3

Ulun-ulun Farisi, reno muneh sunyinni ulun Yahudi, setia nihan nutuk adat istiadat nenek muyang tian. Tian mak haga mengan, semakkung ngebasuh culuk nutuk cara-cara sai tantu.

MARKUS 9:16

“Api sai keti persoalko jama guru-guru agama udi?” tanya Isa jama jelma-jelma sai nutuk Ia.

LUKAS 18:11

Jelma Farisi ano cecok tenggalan sambil bedua, ‘Ya Allah, nyak ngucapko terima kasih juga jama Allah, mani nyak mak gegoh injuk ulun bareh, sai serakah, curang, atau bezinah. Nyak besyukor mani nyak mak injuk penagih pajak udi.

LUKAS 19:7

Sunyinni jelma sai ngeliak hal seno mulai besungut-sungut. Tian cawa, “Iih! Ia ngeratongi lambanni ulun sai mak mebetik!”

LUKAS 5:17

Suatu rani waktu Isa lagi ngajar, wat pira jelma Farisi rik guru-guru agama mejong di disan. Tian ratong jak Yerusalem, rik jak kota-kota di Galilea rik Yudea. Kuasa Tuhan wat jama Isa untuk ngunyaiko jelma-jelma sai meruyuh.

LUKAS 5:21

Guru-guru agama rik jelma-jelma Farisi mulai cawa jama tian, “Sapa jelma sinji sai bani ngehina Allah? Sapa sai ngasi ngampuni dusa, selain Allah tenggalan?”

LUKAS 7:34

Anak Manusia ratong – Ia mengan rik nginum – keti cawa, ‘Liak jelma seno! Rakus, pemabuk, bekantik jama penagih pajak juga jama jelma bedusa.’

LUKAS 7:39

Waktu jelma Farisi sai ngundang Ia ngeliak hal seno, ia cawa delom hati, “Kik jelma inji nabi, tantu Ia pandai sapa bebai inji sai nilut Ia, bebai seno lamon dusa!”

KISAH RASUL-RASUL 23:9

Maka timbuldo keributan sai hibat. Pira-pira ulun Farisi sai jadi guru agama cecok rik nantang temon-temon. Tian cawa, “Menurut sekam jelma inji mak besalah cutik pun! Halokni sangun wat ruh atau malaikat sai cawa jama ia!”