LUKAS 4:6 - PERJANJIAN AMPAI KABAR BETIK

⁶ “Sunyinni kekuasaan rik harta dunia ajo haga kuserahko jama Niku,” cawa iblis jama Isa, “mani sunyinni ajo nyak sai sekedauni rik nyak dapok ngenini jama sapa gaoh sekehagaku.

LUKAS 4:6 Iomraidhean Croise

LUKAS 4:7

Sunyinni ano jadi milik-Mu, asal Niku nyumbah jama nyak.”

YOHANES 12:31

Tano radu waktuni dunia dihakimi; tano jelma sai bekuasa di dunia inji digulingko.

YOHANES 14:30

Nyak mak haga cawa lebih lamon luot jama keti, mani radu waktuni jelma sai bekuasa di dunia inji ratong. Kidang ia mak bekuasa atas diri-Ku.

YOHANES 8:44

Iblisdo bapakmu rik keti haga nuruti kemauan bapakmu. Jak permulaan iblis ano jelma sai ngebunuh. Ia mak pernah mihak sai benor, mani mak ngedok sai benor jama ia. Kik ia bebuhung, ano wajar, mani radu injuk reno sifatni. Ia pembuhung rik asal sunyinni kebuhungan.

2 KORINTUS 11:14

Mak hiran tian nyani injuk reno, mani iblis tenggalan pun menyamar sebagai malaikat terang!

EFESUS 2:2

Waktu seno keti nutuk kebiasaan-kebiasaan dunia inji; retini keti taat jama jelma sai nguasai angkasa raya, yakdo ruh sai tano nguasai hati jelma-jelma sai mak taat jama Allah.

1 PETRUS 1:24

Delom Alkitab tetulis injuk reji, “Sunyin manusia injuk jukuk, rik sunyin kebalakanni injuk kumbang jukuk. Jukuk layu, kumbang pun gugor;

1 YOHANES 5:19

Ram pandai bahwa ram kedau-Ni Allah, walaupun seluruh dunia inji di debah kekuasaan Si Jahat.

WAHYU 12:9

Ulai naga sai balak udi ditokko di luah! Iado ulai tuha udi sai gelarni iblis atau Ruh Jahat, sai nipu seluruh dunia. Ia ditokko mik bumi jama sunyinni malaikatni.

WAHYU 13:2

Binatang sai kuliak udi rupani injuk macan tutul, rik culukni injuk cukut beruang, rik muncungni injuk muncung singa. Raduni binatang udi dikeni ulih ulai naga udi kekuatanni tenggalan, rik takhtani, rik kekuasaan sai balak.

WAHYU 13:7

Ia ngasi juga ngelawan umat-Ni Allah rik ngalahko tian. Rik kuasa atas sunyin suku, negara, bahasa, rik bangsa dikeniko jama ia.