LUKAS 4:40 - PERJANJIAN AMPAI KABAR BETIK

⁴⁰ Waktu matarani lagi tebenam, jelma lamon ngusung jama Isa puari-puarini sai lagi kena macam-macam penyakik. Isa ngepikko culuk-Ni mik atas uluni tian masing-masing rik ngunyaiko penyakikni.

LUKAS 4:40 Iomraidhean Croise

MATIUS 11:5

Ulun buta ngeliak, ulun lumpuh lapah, ulun bepenyakik kusta munyai; ulun tilu ngedengi, ulun mati hurik luot, rik Kabar Betik jak Allah diberitako jama ulun-ulun mejerih.

MATIUS 14:13

Waktu Isa ngedengi kabar ano, Ia cakak jukung tenggalan rik ninggalko rang udi, untuk mik di suatu rang sai mangi. Kidang waktu jelma-jelma ngedengi tentang hal udi, tian ninggalko kota-kota tian rik mik nyusul Isa ngeliu renglaya darak.

MARKUS 3:10

Ia ngunyaiko lamon nihan jelma, sehingga sunyinni jelma meruyuh bedesak-desakan berusaha ngeredik Ia in dapok nilut Ia.

MARKUS 5:23

rik ngilu nihan, “Pak, anak bebaiku parah ruyuhni. Tulung pai ratong untuk nyating, in ia munyai rik dang mati!”

MARKUS 6:5

Di rang udi Isa mak dapok nyani suatu keajaiban pun, kecuali ngunyaiko pira-pira jelma meruyuh jama ngepikko culuk-Ni di atas tian.

KISAH RASUL-RASUL 19:12

Kik setangan atau kain pengikok tengah sai pernah dipakai Paulus diusung jama ulun-ulun meruyuh, ruyuhni tian lebon rik ruh sitan pun luah jak tian.

KISAH RASUL-RASUL 5:15

Malah keadaan jadi sebegitu rupa, sampai jelma-jelma meruyuh dipikko di atas rang pedom atau apai, raduni diusung mik renglaya, in tian paling cutik dapok kena halinu Petrus, kik Petrus liu di dudi.