LUKAS 4:35 - PERJANJIAN AMPAI KABAR BETIK

³⁵ “Hema niku!” cawa Isa jama ruh jahat ano. “Luah niku jak jelma ajo!” Kak raduni ruh jahat udi ngebanting jelma seno di hadap tian sunyinni, kak raduni luah jak jelma sai kekurukan ruh jahat ano mak nyakikko jelma seno.

LUKAS 4:35 Iomraidhean Croise

MATIUS 17:18

Raduni Isa merintahko ruh jahat sai di delom sanak udi luah. Rik ruh jahat udi luah, raduni sanak udi munyai waktu saat seno juga.

MATIUS 8:26

“Mengapi keti merabai?” cawa Isa. “Keti kurang percaya jama Nyak!” Kak raduni Isa cecok rik ngebentak angin rik danau udi. Raduni danau udi tenang nihan.

MARKUS 1:26

Maka ruh jahat udi ngeguncang-guncangko ulun udi keras-keras, raduni luah jak ulun udi sambil mekik.

MARKUS 4:39

Isa minjak, raduni ngebentak angin udi, rik cawa jama danau, “Hema, tenangdo!” Angin pun reda, rik danau jadi tenang nihan.

MARKUS 9:26

Ruh jahat udi mekik, raduni nyani badan sanak udi kejang-kejang, kak raduni luah jak sanak udi. Sanak udi keliakan injuk mayat sehingga sunyinni ulun cawa, “Ia radu mati!”

LUKAS 11:22

Kidang kik wat jelma sai lebih kuat lagi nyerang rik ngalahko ia, maka jelma sai lebih kuat ano haga ngerampas unyinni senjata sai diandalko kedau lamban seno, ia ngebagi-bagiko unyinni hartani.

LUKAS 4:23

Isa cawa jama tian, “Pasti keti haga makai kata kiasan inji jama Nyak-Ku, ‘Dokter, unyaiko pai diri-Mu tenggalan. Keajaiban sai sekam dengi Niku guaiko di Kapernaum, guaiko juga di tiyuh-Mu tenggalan.’ ”

LUKAS 4:39

Isa mik rang pedom bebai seno, Ia nguser ruyuh seno. Ruyuh seno munyai, rik mak mentuhani Simon geluk minjak langsung ngelayani tian.

LUKAS 4:41

Ruh jahat pun luah jak jelma lamon, sambil mekik-mekik, “Niku ano Anak-Ni Allah!” Kidang Isa ngebentak tian rik mak ngizinko tian cawa, mani tian pandai bahwa Ia ano Raja Penyelamat.

LUKAS 8:24

Jelma-jelma sai nutuk Isa ratong jama Ia, nginjakko Ia. Tian cawa, “Pak Guru, Pak Guru, neram celaka!” Isa minjak langsung ngebentak angin rik umbak sai lagi ganas-ganasni. Angin jama umbak pun reda danau pun jadi tenang.

LUKAS 9:39

Kik ruh jahat ngeganggu ia, ia mekik-mekik rik badanni kejang-kejang sampai bangukni beburoh. Ruh udi nyiksa ia rik ia mak haga luah jak ia.

LUKAS 9:42

Sewaktu sanak seno lapah mik jama Isa, ruh jahat ano ngebantingko sanak seno rik nyani, badanni jadi kejang-kejang. Kidang Isa merintahko ruh jahat udi luah kak raduni sanak seno munyai. Sanak seno diserahko jama bakni.

WAHYU 12:12

Ulihni seno, hagani surga rik sunyin sai tinggal di delomni, beriang-riang! Kidang celakado bumi rik laok, mani iblis radu regah jama niku jama butong balak nihan, mani ia pandai bahwa waktuni tinggal cutik lagi.”