LUKAS 4:34 - PERJANJIAN AMPAI KABAR BETIK

³⁴ “Hai Isa, jelma Nazaret, Niku haga ngapi jama sekam? Niku ratong untuk ngebinasako sekam? Nyak pandai sapa Niku: Niku ano utusan suci jak Allah!”

LUKAS 4:34 Iomraidhean Croise

MATIUS 8:29

Tian luah jak guha-guha kuboran rik mekik, “Anak Allah, haga Niku apiko sekam? Api Niku radu haga nyiksa sekam walaupun makkung waktuni?”

MARKUS 1:24

“Hai Isa, ulun Nazaret, Niku haga nyani api jama sekam? Niku ratong untuk ngebinasako sekam? Nyak pandai sapa Niku: Nikudo utusan sai suci jak Allah!”

MARKUS 1:34

Raduni Isa ngunyaiko lamon jelma sai menderita macam-macam penyakik, rik nguser juga lamon ruh jahat. Ia mak ngizinko ruh-ruh jahat udi cawa, mani tian pandai sapa Ia.

MARKUS 5:7

Jama suara sai keras ia mekik, “Isa, Anak Allah Sai Mahatinggi! Haga Niku apiko nyak inji? Demi Allah, nyak ngilu, dang nyiksa nyak!” (

LUKAS 1:35

Malaikat ano ngejawab, “Ruh Allah haga ratong jama niku, rik kuasa Allah haga nyalok niku. Reno sebabni sanak sai haga laher kanah disebut Kudus, Anak Allah.

LUKAS 4:33

Di lamban ibadah ano wat sai jelma sai dikuasai ruh jahat. Jelma udi mekik-mekik,

LUKAS 4:41

Ruh jahat pun luah jak jelma lamon, sambil mekik-mekik, “Niku ano Anak-Ni Allah!” Kidang Isa ngebentak tian rik mak ngizinko tian cawa, mani tian pandai bahwa Ia ano Raja Penyelamat.

LUKAS 8:28

Waktu ia ngeliak Isa, ia mekik raduni sujud di hadap Isa rik beseru, “Isa, Anak Allah Sai Mahatinggi! Haga diapiko nyak inji? Kuharap dang nyak disiksa!”

LUKAS 8:37

Kak raduni sunyinni penduduk Gerasa ngilu nihan in Isa ninggalko rang seno, mani tian sunyinni merabai nihan. Kak raduni Isa cakak jukung haga mulang.

KISAH RASUL-RASUL 16:39

Raduni tian mik ngilu maaf jama Paulus rik Silas, kak raduni ngantakko tian rua luah jak bui, rik ngilu in tian mik jak kota udi.

KISAH RASUL-RASUL 2:27

Mani Niku mak naganko jiwaku tinggal di delom dunia ulun mati. Niku mak naganko hamba-Mu sai setia ano hancor rik bela.

KISAH RASUL-RASUL 3:14

Ia suci rik mebetik, kidang keti nantang Ia rik ngedesak in Pilatus ngelepasko sai jelma sai ngebunuh untuk keti.

KISAH RASUL-RASUL 4:27

Mani sangun Herodes rik Pontius Pilatus radu ngadako pertemuan jama ulun-ulun sai mak mengenal Tuhan rik jama ulun-ulun Israel di kota inji. Tian betungga untuk ngelawan Isa Jelma Sai Ngebantu Niku sai suci udi, sai radu Niku angkat jadi Raja Penyelamat.

IBRANI 2:14

Ulih sebab jelma-jelma sai Ia sebut anak udi, iado makhluk manusia sai dapok mati, maka Isa tenggalan jadi gegoh jama tian rik hurik sebagai manusia. Ia nyani injuk reno, in jama kematian-Ni Ia dapok ngehancorko iblis sai nguasai kematian.

YAKOBUS 2:19

Keti percaya bahwa Allah angkah sai, kan? Nah, ruh-ruh jahat pun percaya rik tian gegoran kerabaian!

1 YOHANES 3:8

Kidang jelma sai terus-menerus nyani dusa iado anakni iblis, mani sifatni iblis bedusa radu jak mula-mula. Untuk injido Anak-Ni Allah ratong, yakdo untuk ngehancorko guaini iblis.

WAHYU 20:2

Raduni ia nangkok ulai naga udi, si ulai tuha, – yakdo iblis atau Ruh Jahat udi – rik ngikok untuk seribu tahun sakani.

WAHYU 3:7

“Untuk malaikat jemaah di Filadelpia, tulisdo injuk reji: Injido luhot jak Ia sai suci rik sejati. Iado sai nyating kunci sai dikedau ulihni Daud; kik Ia ngebukak, mak sai jelma pun dapok nyalokni, rik kik Ia nyalok, mak sai jelma pun dapok ngebukakni.