LUKAS 4:28 - PERJANJIAN AMPAI KABAR BETIK

²⁸ Sunyinni jelma di lamban ibadah udi butong nihan waktu ngedengi cawa seno.

LUKAS 4:28 Iomraidhean Croise

MATIUS 2:16

Waktu Herodes pandai bahwa ahli-ahli bintang jak Timur udi ngebuhung, ia butong nihan. Raduni ia merintahko untuk ngebunuh sunyin sanak bakas sai umor rua tahun mik debah di Betlehem rik sekitarni. Udi cucok jama keterangan sai didapokni jak ahli-ahli bintang udi tentang waktuni bintang udi keliakan.

LUKAS 4:27

Reno muneh di zamanni Nabi Elisa wat lamon jelma di Israel bepenyakik bawak sai ngeri nihan, kidangni mak ngedok sai jelma pun jak tian sai diunyaiko, kecuali Naaman ulun Siria.”

LUKAS 4:29

Tian cecok raduni nguser Isa mik luah kota, rik ngusung Ia mik tebing gunung, di dipa kota tian dibangun. Tian bemaksud ngedurong Ia mik delom rulah.

LUKAS 6:11

Guru-guru agama rik ulun-ulun Farisi ano butong nihan, tian mulai berunding repa cara ngecelakako Isa.

KISAH RASUL-RASUL 5:33

Waktu anggota-anggota Mahkamah Agama udi ngedengi ano, tian butong nihan, rik tian sepakat untuk ngebunuh rasul-rasul udi.

KISAH RASUL-RASUL 7:54

Reno anggota-anggota Mahkamah Agama udi ngedengi sunyinni sai dicawako ulih Stefanus, tian sakik hati rik butong nihan jama ia.