LUKAS 3:13 - PERJANJIAN AMPAI KABAR BETIK

¹³ Yohanes ngejawab, “Dang nagih lebih lamon jak sai radu ditantuko.”

LUKAS 3:13 Iomraidhean Croise

MATIUS 7:12

Perlakukodo jelma bareh injuk keti mirak diperlakuko ulih tian. Udido inti hukum Musa rik ajaran nabi-nabi.”

LUKAS 19:8

Kak raduni di lambanni, Zakheus cecok rik cawa jama Isa, “Tuhan, separo jak hartaku haga kusedekahko jama jelma mejerih; rik sapa sai pernah kutipu, haga kubayar luot jama ia pak kali lipat!”

LUKAS 3:12

Tukang tagih pajak ratong jama Yohanes untuk dibaptis. Tian betanya, “Bapak Guru, api sai haga sekam guaiko?”

LUKAS 3:14

Wat juga prajurit sai betanya, “Repa juga sekam? Api sai haga sekam guaiko?” Yohanes ngejawab, “Dang memeras jama sapa pun rik dang ngerampas duit jama tuduhan-tuduhan palsu. Puasdo jama gajimu!”

1 KORINTUS 6:10

sai maling, sai serakah, sai jelma sai mabuk, sai gering ngeburak-burakko ulun bareh, rik sai memeras ulun bareh – sunyin jelma injuk reno mak haga jadi anggota umat-Ni Allah.

EFESUS 4:28

Jelma sai biasa maling harus taru maling. Sebalikni ia harus beguai in mansa nafkahni jama jujor rik dapok nulung jelma sai kekurangan.

IBRANI 12:1

Nah, tentang ram tenggalan, sekeliling ram wat lamon nihan saksi! Ulihni seno, ijado ram ngetokko sunyin sai ngebiakko ram rik dusa sai terus ngelekok jama ram. Rik ijado ram tekun menempuh perlumbaan sai wat di hadap ram.