LUKAS 3:11 - PERJANJIAN AMPAI KABAR BETIK

¹¹ Yohanes ngejawab, “Jelma sai ngedok rua kawai, mesti ngeniko sai kawai jama jelma sai mak tinggal kawai; rik jelma ngedok sai kanikan, musti ngebagikoni.”

LUKAS 3:11 Iomraidhean Croise

MATIUS 25:40

Raja udi ngejawab, ‘Pandai mak: waktu keti ngelakuko hal seno, sekalipun jama salah sai jak puari-puari-Ku sai paling hina, retini keti ngelakukoni jama Nyak!’

LUKAS 11:41

Sai delom cumbung rik piringmu ano, senodo sai haga keti keniko jama jelma-jelma sai mejerih. Jama cara injuk reno, unyinni haga jadi kecah untuk niku.

LUKAS 18:22

Ngedengi seno, Isa cawa, “Lagi wat sai hal sai haga diguaiko: Jualdo unyinni hartamu, keniko duitni jama jelma mejerih, rik niku haga mansa harta di surga. Kak radu jak seno tutukdo Nyak.”

LUKAS 19:8

Kak raduni di lambanni, Zakheus cecok rik cawa jama Isa, “Tuhan, separo jak hartaku haga kusedekahko jama jelma mejerih; rik sapa sai pernah kutipu, haga kubayar luot jama ia pak kali lipat!”

YOHANES 13:29

Wat sai nyangko Isa ngayun Yudas ngebeli sai hal sai diperluko untuk pesta ano, atau ngeni duit cutik jama jelma mejerih – mani Yudas sai nyating duit kas tian.

KISAH RASUL-RASUL 10:2

Ia jelma sai rabai jama Allah rik seluruh keluargani beibadah jama Allah. Ia lamon nulung jelma-jelma Yahudi sai mejerih, rik ia selalu bedua jama Allah.

KISAH RASUL-RASUL 10:31

Ia cawa, ‘Kornelius! Allah radu nerima duamu rik ingok jama kemurahan hatimu.

KISAH RASUL-RASUL 10:4

Kornelius ngeliak malaikat udi jama rabai raduni cawa, “Wat api Tuan?” Malaikat udi ngejawab, “Duamu rik kemurahan hatimu radu diterima ulih Allah rik Allah ingok jama niku.

EFESUS 4:28

Jelma sai biasa maling harus taru maling. Sebalikni ia harus beguai in mansa nafkahni jama jujor rik dapok nulung jelma sai kekurangan.

1 TIMOTIUS 6:17

Jama jelma-jelma sai mebatin di dunia inji hagani niku ngilu in tian dang mepungah rik dang ngeharap jama barang-barang sai mak tetap – injuk halni jama kebatinan. Tian harus beharap jama Allah sai ngeniko sunyin sai hal belimpah jama ram in ram ngerasakoni.

1 TIMOTIUS 6:18

Ngiludo jama tian untuk nunjukko kebetikan, untuk lamon ngelakuko hal-hal sai betik, murah hati, rik risok ngeni.

IBRANI 6:10

Allah lain hak Allah sai mak adil. Ia mak ngelupako api sai keti guaiko bagi Ia, rik kasih sai keti tunjukko jama Ia sewaktu nulung puari-puari seiman, tumbai rik tano.

YAKOBUS 1:27

Ketaatan beragama sai murni rik sejati nutuk pandangan-Ni Allah Bapa iado: nulung sanak-sanak yatim piatu rik randa-randa sai menderita, rik ngejaga diri tenggalan in dang dicadangko ulih dunia inji.

YAKOBUS 2:14

Puari-puari! Api gunani ulun-ulun cawa, “Nyak jelma sai percaya”, kik ia mak nunjukko perbuatanni? Dapok kedo iman injuk reno udi nyelamatkoni?

1 YOHANES 3:17

Kik sai jelma sai batin ngeliak puarini mejerih, kidang mak haga nulung puarini udi, injuk repa jelma udi dapok ngucakko bahwa ia mengasihi Allah?

1 YOHANES 4:20

Kik sai jelma cawa, “Nyak mengasihi Allah”, kidang ia mak mengasihi puarini, jelma udi buhung. Mani jelma sai mak kenal jama puarini sai diliakni, mak mungkin dapok mengasihi Allah sai mak diliakni.