LUKAS 23:11 - PERJANJIAN AMPAI KABAR BETIK

¹¹ Herodes rik anggota-anggota tenterani ngemainko rik ngehina Isa, kak raduni makaiko Ia kawai kebesaran, kak raduni ngirim Ia muloh jama Pilatus.

LUKAS 23:11 Iomraidhean Croise

MATIUS 14:1

Waktu seno Herodes, sai bekuasa negeri Galilea, ngedengi tentang Isa.

MATIUS 14:3

Mani semakkung ano Herodes ngayun nangkok Yohanes rik ngikok ia rik ngurukko ia mik delom bui. Herodes bebuat injuk reno mani soal Herodias, inggom puarini tenggalan, yakdo Filipus.

MATIUS 14:6

Waktu Herodes ngerayako rani ulang tahunni, anak bebai Herodias nari di hadapan kuari. Tarianni nyenangko nihan hati Herodes,

MARKUS 9:12

Isa ngejawab, “Elia sangun ratong lebih mena untuk ngeberesko sunyin hal. Kidang injuk repa halni jama Anak Manusia? Api mani di delom Alkitab tetulis bahwa Ia haga lamon menderita rik dihina ulun?

LUKAS 23:10

Imam-imam kepala rik guru-guru agama ngehadap juga di disan rik keras nuduh Isa.

YOHANES 19:5

Maka Isa luah jama makai mahkota ruwi rik jubah ungu. Pilatus cawa jama tian, “Liakdo jelma ano.”

YAKOBUS 2:2

Mani kik wat sai jelma batin makai ali-ali emas rik kawai helau ratong mik pertemuanmu, raduni ratong muneh sai jelma jerih makai kawai cabik-cabik,

YAKOBUS 2:3

maka keti lebih ngehormati jelma sai bekawai helau udi. Keti cawa jama ia, “Silakan Bapak mejong di kursi sai paling helau inji.” Kidang jama jelma sai mejerih keti cawa, “Cecokdo di dudi,” atau “Mejongdo di lantai di dija.”