LUKAS 22:41 - PERJANJIAN AMPAI KABAR BETIK

⁴¹ Kak raduni Ia mik lebih jaoh jak tian, kekira sejaoh tayaran batu, kak raduni belutut rik bedua.

LUKAS 22:41 Iomraidhean Croise

MATIUS 26:39

Raduni Isa mik lebih jaoh cutik, raduni Ia sujud mik tanoh rik bedua. “Bapa,” cawa-Ni, “kik dapok, jaohko jak Nyak penderitaan sai Nyak haga alami inji. Kidang dang menurut kehaga-Ku, melainko menurut kehaga Bapa gaoh.”

MARKUS 14:35

Isa mik lebih jaoh cutik raduni tesungkor di tanoh rik bedua. Delom dua-Ni Ia ngilu kik ngasi Ia mak ngalami saat penderitaan udi.

LUKAS 18:11

Jelma Farisi ano cecok tenggalan sambil bedua, ‘Ya Allah, nyak ngucapko terima kasih juga jama Allah, mani nyak mak gegoh injuk ulun bareh, sai serakah, curang, atau bezinah. Nyak besyukor mani nyak mak injuk penagih pajak udi.

LUKAS 18:13

Kidangni penagih pajak ano cecok jaoh-jaoh rik malahan mak bani nengadah langit. Sambil ngusap dada ia cawa, ‘Ya Allah, kesiando jama nyak, jelma sai bedusa inji!’ ”

KISAH RASUL-RASUL 20:36

Radu Paulus selesai cawa, ia belutut jama tian sunyinni raduni bedua.

KISAH RASUL-RASUL 21:5

Kidang radu bela waktuni untuk sekam tinggal di dudi, sekam ninggalko tian rik nerusko lapahni sekam. Tian sunyinni jejama jama anak inggomni tian ngantakko sekam sampai luah kota. Di dudi di pingger pantai, sekam sunyinni belutut rik bedua.

KISAH RASUL-RASUL 7:60

Raduni ia belutut rik mekik jama suara sai keras, “Tuhan, dang dusa inji ditanggungko di atas tian!” Seraduni nyawako injuk reno ia pun mati.

KISAH RASUL-RASUL 9:40

Petrus ngayun tian sunyinni luah, raduni ia belutut rik bedua. Radu jak seno ia ngehadap mayat Dorkas rik cawa, “Tabita, minjak!” Maka Dorkas ngebukak mata, rik waktu ia ngeliak Petrus, ia mejong.

IBRANI 5:7

Di Masa Isa hurik di dunia inji, Ia bedua rik ngilu jama pekikan rik hiwangan jama Allah, sai sanggup nyelamatkoni jak kematian. Rik mani Ia tunduk hormat nihan jama Allah, maka Ia didengiko.