LUKAS 22:19 - PERJANJIAN AMPAI KABAR BETIK

¹⁹ Radu jak seno Isa ngakuk ruti. Raduni Ia ngucapko dua syukor, Ia ngebelah-belah ruti jama culuk-Ni kak raduni ngeniko ano jama tian, rik cawa, “Injido badan-Ku [sai kuserahko jama keti. Guaiko inji in ngingokko Nyak.”

LUKAS 22:19 Iomraidhean Croise

MATIUS 14:19

Kak raduni Ia ngayun ulun lamon udi mejong di atas jukuk. Raduni Ia ngakuk lima ruti rik rua iwa udi, raduni nengadah mik langit rik ngucap syukor jama Allah. Radu jak seno Ia ngebelah-belah ruti udi jama culuk-Ni rik ngeniko-Ni jama jelma-jelma sai nutuk Ia untuk dibagi-bagiko jama ulun lamon udi.

MATIUS 15:36

Raduni Ia ngakuk kepitu ruti udi rik iwani, kak raduni ngucap syukor jama Allah. Radu jak seno Ia ngebelah-belah ruti rik iwa udi jama culuk-Ni, raduni ngeniko jama jelma-jelma sai nutuk Ia. Rik tian ngebagi-bagiko jama jelma lamon udi.

LUKAS 22:17

Kak raduni Isa ngiwakko piala anggor, kak raduni ngucapko dua syukor jama Allah, kak raduni cawa, “Akuk inji, rik bagi-bagiko;

LUKAS 22:20

Reno muneh seraduni jak mengan, Ia ngeniko piala anggor ano jama tian rik cawa, “Piala inji nunjukko Perjanjian Allah sai ampai, sai disahko jak rah-Ku – rah sai Kucurahko jama keti.”]

LUKAS 24:30

Waktu mejong haga mengan jejama tian, Isa ngakuk ruti, ngucapko syukor jama Allah, ngebelah-belah ruti ano jama culuk-Ni, kak raduni ngenikoni jama tian.

YOHANES 6:23

Kak raduni pira-pira jukung jak kota Tiberias ratong rik belabuh di redik rang jelma lamon udi nganik ruti seraduni Tuhan ngucap syukor.

YOHANES 6:51

Nyakdo ruti sai ratong jak surga – ruti sai ngeni hurik. Jelma sai nganik ruti inji haga hurik selamani. Ruti sai haga Kukeniko untuk kehurikan manusia di dunia yakdo daging-Ku.”

1 KORINTUS 10:16

Pada waktu ram nginum anggor jama ngucapko terima kasih jama Allah, bukankah ano nunjukko bahwa ram besatu jama Almasih delom kematian-Ni? Rik pada waktu ram ngebagi-bagiko ruti untuk dikanik jama-jama, bukankah ano nunjukko bahwa ram besatu delom badan Almasih?

1 KORINTUS 10:4

rik nginum inuman rohani sai gegoh. Tian sunyinni nginum jak gunung batu rohani sai menyertai tian; gunung batu ano iado Almasih tenggalan.

GALATIA 1:4

Mentaati kehaga-Ni Allah Bapa ram, Almasih nyerahko diri-Ni jadi kurban untuk dusa-dusa ram, in ram diselamatko jak zaman sai jahat inji.

GALATIA 4:25

Jadi, Hagar udido Gunung Sinai, di negeri Arab. Ia ngelambangko kota Yerusalem jama sunyinni pendudukni sai tano inji radu jadi jelma sai ngebantu.

EFESUS 5:2

Hagani hurikmu temon-temon mengasihi injuk Almasih pun mengasihi ram. Ia ngurbanko diri-Ni untuk ram, sebagai persembahan sai merum rik nyenangko hati-Ni Allah.

1 TESALONIKA 5:18

Delom sunyin keadaan hagani keti besyukor, mani udido sai Allah mirak jak keti sebagai jelma sai hurik besatu jama Isa Almasih.

TITUS 2:14

Ia radu ngurbanko diri-Ni bagi ram untuk ngebebasko ram jak sunyin kejahatan, rik ngejadiko ram suatu umat sai bebas jak dusa rik sai jadi kedau-Ni gaoh, rik sai rajin ngelakuko sai betik.

1 PETRUS 2:24

Almasih tenggalan mikul dusa-dusa ram pada diri-Ni di atas kayu salib, in ram bebas jak kekuasaan dusa, rik hurik nutuk kehaga-Ni Allah. Katan-katan-Ni Almasihdo sai ngunyaiko keti.