LUKAS 20:10 - PERJANJIAN AMPAI KABAR BETIK

¹⁰ Waktu radu sampai waktuni mutil uahni anggor, sai kedauni kebun seno ngirimko jelma sai ngelayani ia mik penggarap haga ngilu bagianni. Kidang penggarap-penggarap seno mukul jelma sai ngelayani ano rik ngayun jelma sai ngelayani ano mulang jama culuk bangkang.

LUKAS 20:10 Iomraidhean Croise

LUKAS 13:34

Yerusalem, Yerusalem! Niku bunuh nabi-nabi! Utusan-utusan Allah ditayar jama batu sampai mati! Radu pira kali Nyak mirak ngerangkul sunyinni penduduk injuk indukni manuk ngelindungi anak-anakni di debah kepini, kidang niku mak haga!

LUKAS 20:11

Kak raduni sai kedau kebun seno ngirimko jelma sai ngelayani sai bareh; kidang jelma sai ngelayani seno dipukul juga rik dihina ulih penggarap-penggarap ano, kak raduni dikayunni mulang jama culuk bangkang.

LUKAS 20:9

Isa nyeritako jama jelma-jelma udi, perumpamaan injuk reji, “Wat sai jelma nanom sebidang kebun anggor. Ia nyiwako kebun seno jama penggarap-penggarap kak raduni berangkat mik negeri sai bareh rik tinggal mesaka di negeri seno.

YOHANES 15:16

Lain hak keti sai milih Nyak. Nyakdo sai milih keti, rik ngayun keti mik untuk bebuah lamon – uah-uah sai mak dapok binasa. Maka Bapa haga ngeniko jama niku api gaoh sai keti kilu jama Ia atas gelar-Ku.

ROMA 7:4

Injuk reno juga halni jama keti, Puari-puariku. Tehadap hukum agama Yahudi keti radu mati, mani keti radu dipersatuko jama badan Almasih rik jadi kedau-Ni sai radu dihurikko luot jak kematian. Ia dihurikko jak kematian in ram jadi beguna bagi Allah delom kehurikan ram.