LUKAS 2:7 - PERJANJIAN AMPAI KABAR BETIK

⁷ Maria ngelaherko anak bakas, anakni sai tuha. Sanak sinji dibungkusni jama kain, kak raduni dipikko delom kutak rang keledai mengan sai ngisi jerami; mani tian mak mansa rang untuk minok.

LUKAS 2:7 Iomraidhean Croise

MATIUS 1:25

Kidang selama Maria makkung ngelaherko anakni ano, Yusuf mak becampor jama Maria. Rik seraduni sanak udi laher, Yusuf ngeni gelar-Ni Isa.

MATIUS 13:55

Kan Ia anak tukang kayu? Kan Maria udi emak-Ni; rik puari-puari-Ni yakdo Yakobus, Yusuf, Simon rik Yudas?

MATIUS 8:20

Isa ngejawab, “Serigala wat lubang, rik burung ngedok sarang, kidang Anak Manusia mak ngedok rang pedom.”

LUKAS 10:34

Langsung diredikni jelma seno dikecahkoni katan-katanni jama anggor, diubatni jama minyak, raduni ia ngebungkus katan-katanni jelma seno. Dicakakkoni di atas keledaini tenggalan, diusungni mik penginapan rik dirawatni.

LUKAS 2:6

Waktu tian lagi di Betlehem sampai waktuni Maria haga ngelaherko.

LUKAS 2:8

Waktu bingi seno wat gembala-gembala sai lagi ngejaga biri-biri di tanoh lapang sai lamon jukukni di daerah seno.

YOHANES 1:14

Firman radu jadi manusia, Ia tinggal di hantara neram, rik ram radu ngeliak keagungan-Ni. Keagungan ano diterima-Ni injuk Anak tunggal Bapa. Liwat Ia ram ngeliak Allah rik kasih-Ni jama ram.

2 KORINTUS 8:9

Mani keti pandai nihan bahwa ram dikasihi nihan ulih-Ni Isa Almasih Tuhan ram. Ia mebatin, kidang Ia nyani diri-Ni jadi mejerih untuk kepentinganmu, in jama kejerihan-Ni ano, keti jadi mebatin.

GALATIA 4:4

Kidang waktu sai tepat, Allah ngutus Anak-Ni mik dunia. Anak-Ni udi dilaherko ulih sai bebai rik hurik di debah kekuasaan hukum agama.