LUKAS 2:49 - PERJANJIAN AMPAI KABAR BETIK

⁴⁹ Isa ngejawab, “Mengapi bak jama emak nyepok Nyak? Api bak rik emak mawat pandai bahwa Nyak musti wat delom Lamban Bapa-Ku?”

LUKAS 2:49 Iomraidhean Croise

MATIUS 21:12

Kak raduni Isa kuruk mik Lamban Ibadah, rik nguser sunyinni jelma sai bejual beli di dudi. Ia ngejungker balikko mija-mija penukor duit, rik bangku-bangku penjual burung merpati.

LUKAS 2:48

Ulun tuha-Ni pun hiran ngeliak Ia. Emak-Ni cawa jama Ia, “Nak, mengapi Niku injuk reno jama sekam? Bak-Mu rik emak-Mu cemas nihan nyepok Niku!”

YOHANES 4:34

Kak raduni Isa cawa, “Kanikan-Ku iado nutuk kehaga-Ni Ia sai ngutus Nyak, rik ngeraduko guaian sai diserahko-Ni jama Nyak.

YOHANES 5:17

Kidang Isa cawa jama tian, “Bapa-Ku terus beguai sampai tano, rik Nyak pun beguai.”

YOHANES 5:36

Kidang kesaksian-Ku lebih balak jak kesaksian Yohanes. Api sai tano Kulakuko, yakdo guai sai ditugasko Bapa jama Nyak, ngebuktiko bahwa Bapa radu ngutus Nyak.

YOHANES 6:38

Mani Nyak regah jak surga, lain hak untuk ngelakuko kehaga tenggalan, melainko kehaga Ia sai ngutus Nyak.

YOHANES 8:29

Rik Ia sai ngutus Nyak wat jejama Nyak. Ia mak pernah naganko Nyak tenggalan, mani Nyak selalu ngelakuko api sai nyenangko hati-Ni.”

YOHANES 9:4

Selama pagun dawah, neram haga ngerjako guaini Ia sai ngutus Nyak. Bingi haga ratong, rik sai jelma pun mak dapok beguai.