LUKAS 2:10 - PERJANJIAN AMPAI KABAR BETIK

¹⁰ Kidangni malaikat udi cawa, “Dang rabai! Mani nyak ratong ngusung kabar betik untuk keti unyinni – kabar sai paling ngeriangko hati unyinni jelma.

LUKAS 2:10 Iomraidhean Croise

MATIUS 14:27

Kidang Isa langsung ngejawab, “Tenangdo! Nyak Isa. Dang rabai!”

MATIUS 28:18

Isa ngeredik tian, rik cawa, “Seluruh kuasa di surga rik di bumi radu diserahko jama Nyak.

MATIUS 28:5

Malaikat udi cawa jama bebai-bebai ano, “Dang rabai! Nyak pandai keti nyepok Isa sai radu disalibko ano.

MARKUS 1:15

Cawa-Ni, “Allah geluk haga mulai memerintah. Betubatdo jak dusa-dusamu, rik percayado jama Kabar Betik sai jak Allah!”

MARKUS 16:15

Raduni Isa cawa jama tian, “Mikdo mik sunyinni dunia rik siarko Kabar Betik jak Allah udi jama sunyinni umat manusia.

LUKAS 1:13

Kidangni malaikat ano cawa, “Dang rabai, Zakharia! Allah radu ngedengi duamu. Kajongmu Elisabet haga ngelaherko sai anak bakas. Niku haga ngeni gelarni Yohanes jama anakmu ano.

LUKAS 1:19

Malaikat ano ngejawab, “Nyak ajo Gibril. Nyak ngelayani Allah rik Ia sai ngayunko nyak nyampaiko kabar betik inji jama niku.

LUKAS 1:30

Malaikat cawa jama ia, “Dang rabai, Maria, mani niku bekenan di hati Allah.

LUKAS 2:11

Rani inji di kota Daud radu laher Raja Penyelamatmu yakdo Almasih, Tuhan.

LUKAS 24:47

Juga bahwa atas gelar Raja Penyelamat ano haga diwartako jama sunyin bangsa kik manusia haga betubat, rik bahwa Allah ngampuni dusa. Rik kabar ano haga diwartako mulai jak Yerusalem.

LUKAS 8:1

Mak mesaka jak seno, Isa mik kota-kota rik pekon-pekon, untuk nyampaiko Kabar Betik bahwa Allah mulai memerintah sebagai Raja. Rua belas jelma-jelma sai nutuk Ia jejama Ia.

KISAH RASUL-RASUL 13:32

Jadi, tano inji sekam nyampaiko Kabar Betik seno jama niku: Api sai Allah radu janjiko jama nenek muyang ram,

ROMA 10:15

Rik injuk repa ulun dapok ngusung kabar udi kik tian mak diutus? Di delom Alkitab tetulis injuk reji, “Hara betikni ratongni jelma-jelma sai ngusung Kabar Betik jak Allah!”

EFESUS 3:8

Di hantara sunyin umat-Ni Allah, nyakdo sai paling hina. Kidang Allah ngeniko jama nyak karunia inji: tugas untuk ngabarko jama ulun-ulun lain Yahudi Kabar Betik tentang kebatinan-Ni Almasih sai mak ngedok belani;

KOLOSE 1:23

Kidang tantu keti harus tetap setia percaya rik berdiri teguh jama kepercayaanmu. Dang sampai keti ngelepasko harapan sai radu dikeniko jama niku waktu keti nerima Kabar Betik jak Allah. Kabar udi radu dikabarko jama unggal jelma di sunyin dunia. Rik nutuk senodo juga nyak; Paulus, radu jadi jelma sai ngelayani.