LUKAS 19:9 - PERJANJIAN AMPAI KABAR BETIK

⁹ Kak raduni cawa Isa, “Rani inji niku rik unyinni keluargamu diselamatko ulih Allah rik dikeni hurik sai ampai, mani niku juga keturunan Abraham.

LUKAS 19:9 Iomraidhean Croise

LUKAS 13:16

Nah, di dija tano, wat sai bebai jak keturunan Abraham, sai radu walu belas tahun sakani dikuasai iblis. Api mak ngasi dilepasko ikokanni waktu rani Sabat?”

LUKAS 13:30

Sebenorni, wat jelma terakher sai haga jadi jelma mula-mula, rik wat jelma mula-mula sai haga jadi ulun terakher.”

LUKAS 16:24

‘Bapak Abraham!’ cawani jelma batin ano. ‘Kesian pai jama nyak. Kayun pai Lazarus nyelupko jarini delom way kak raduni ratong ngebasohko emaku. Nyak sengsara nihan delom apui inji!’

LUKAS 16:30

Kidang jelma batin udi ngejawab, ‘Seno mak cukup, Bapak Abraham. Kidang kik wat jelma mati hurik luot ratong jama tian, tian haga betubat jak dusa-dusani tian.’

LUKAS 2:30

Mani, ulih mataku tenggalan radu ngeliak Penyelamat sai jak Tuhan.

LUKAS 3:8

Tunjukko delom perbuatanmu bahwa niku radu betubat jak dusa-dusamu! Dang cawa bahwa Abraham nenek muyangmu. Ingok: Jak batu-batu inji pun Allah sanggup nyani keturunan untuk Abraham!

ROMA 4:16

Jadi janji-Ni Allah ano bedasarko percayani jelma jama Allah. Udi jadi suatu jaminan jama sunyin keturunan Abraham bahwa janji udi dikeniko jama tian sebagai suatu pengenian sai cuma-cuma jak Allah; lain hak angkah jama tian sai taat jama hukum agama Yahudi gaoh, kidang juga jama tian sai percaya jama Allah gegoh injuk Abraham percaya jama Ia. Mani Abraham iado bapak ram sunyin secara rohani.

GALATIA 3:14

Almasih ngelakuko injuk reno in berkat sai dijanjiko Allah jama Abraham dikeniko juga jama jelma-jelma lain Yahudi. Jama injuk reno ram pun sai percaya jama Allah, dapok nerima Ruh sai dijanjiko ulih-Ni Allah udi.

GALATIA 3:29

Kik keti kedau-Ni Almasih, maka ketido keturunanni Abraham. Rik keti haga nerima api sai dijanjiko Allah.

GALATIA 3:7

Jadi hagani keti sadar bahwa jelma sai temon-temon keturunan Abraham iado jelma sai percaya jama Allah.

1 PETRUS 2:10

Tumbai keti lain umat-Ni Allah, kidang tano keti umat-Ni Allah. Tumbai keti mak dikasihani Allah, kidang tano keti nerima rasa kesian-Ni.