LUKAS 19:42 - PERJANJIAN AMPAI KABAR BETIK

⁴² Cawa-Ni, “Kesian, hara betikni, kik rani inji niku pandai api sai dapok ngeratongko perdamaian! Kidangni tano niku mak dapok ngeliakni.

LUKAS 19:42 Iomraidhean Croise

LUKAS 19:41

Waktu Isa makin redik jama Yerusalem, rik ngeliak kota ano, Ia ngehiwangini.

LUKAS 19:43

Niku haga ngalami sai waktu, di dipa musuhmu nyani halangan-halangan di kelilingmu; tian haga ngepung niku rik ngedesak niku jak sunyin penjuru.

LUKAS 19:44

Tian haga ngehancorko niku jejama unyinni pendudukmu; rik mak ngedok sai batu pun haga ditaganko tian tinggal tesusun di rangni, mani niku memperhatiko waktu Allah ratong untuk nyelamatko niku!”

KISAH RASUL-RASUL 10:36

Puari-puari radu pandai isi kabar sai Allah sampaiko jama bangsa Israel. Kabar udi yakdo mengenai Kabar Betik tentang damai liwat Isa Almasih, yakdo Tuhan sunyinni jelma.

KISAH RASUL-RASUL 13:46

Kidang jama lebih bani lagi Paulus rik Barnabas cawa terus terang. Tian cawa, “Cawa Allah sangun harus disampaiko jama keti mena. Kidang ulihni keti mak haga nerimani, keti radu nantuko tenggalan bahwa keti mak patut nerima hurik sejati rik kekal. Rik tano sekam ninggalko keti rik mik jama bangsa bareh.

IBRANI 3:13

Jadi, in mak ngedok sai jelma pun jak hantaramu sai ketipu, ulih dusa sehingga nantang Allah, hagani keti saling ngeni petuah unggal rani selama ram masih hurik delom zaman sai disebut “Rani Inji” delom Alkitab.

IBRANI 3:15

Injido sai tetulis delom Alkitab, “Kik waktu rani inji niku ngedengi suara-Ni Allah, dangdo niku keras ulu, injuk nenek muyangmu, waktu tian ngeberuntak tehadap Allah.”

IBRANI 3:7

Ulihni seno, injuk ani Ruh-Ni Allah, “Kik rani inji niku ngedengi suara-Ni Allah,