LUKAS 18:43 - PERJANJIAN AMPAI KABAR BETIK

⁴³ Waktu seno juga ia dapok ngeliak, kak raduni ia nutuk Isa sambil ngucapko terima kasih jama Allah. Waktu jelma lamon udi ngeliak hal seno, tian unyinni memuji-muji Allah.

LUKAS 18:43 Iomraidhean Croise

MATIUS 11:5

Ulun buta ngeliak, ulun lumpuh lapah, ulun bepenyakik kusta munyai; ulun tilu ngedengi, ulun mati hurik luot, rik Kabar Betik jak Allah diberitako jama ulun-ulun mejerih.

MATIUS 21:14

Ulun-ulun buta rik lumpuh ratong jama Isa di Lamban Ibadah, rik Ia ngunyaiko tian.

MATIUS 9:8

Waktu jelma-jelma ngeliak kejadian udi, tian kerabaian rik memuji Allah, mani Allah radu ngeniko kuasa sai reno balak jama manusia.

LUKAS 13:17

Jawaban Isa ano nyani lawan-lawan-Ni meliom nihan; kidang sunyinni jelma sai bareh gering ngeliak sunyinni keajaiban sai disani Isa.

LUKAS 19:37

Waktu Isa hamper sampai di Yerusalem, di renglaya sai nurun di Bukit Zaitun, sunyinni jelma-jelma sai nutuk Ia sai lamon ano mulai beseru-seru memuji Allah rik ngucapko terima kasih jama Ia mani sunyinni keajaiban sai radu tian saksiko.

LUKAS 4:39

Isa mik rang pedom bebai seno, Ia nguser ruyuh seno. Ruyuh seno munyai, rik mak mentuhani Simon geluk minjak langsung ngelayani tian.

LUKAS 5:26

Tian unyinni kagum nihan sambil memuji Allah. Rik jama rasa rabai, tian cawa, “Ajaib nihan peristiwa sai neram liak rani inji!”

LUKAS 9:43

Sunyinni jelma hiran ngeliak kuasa Allah sai hibat ano. Waktu tian masih hiran ngeliak sunyinni sai diguaiko-Ni, Isa cawa jama jelma-jelma sai nutuk Ia,

KISAH RASUL-RASUL 11:18

Radu jak ngedengi seno, tian mak ngebantah lagi. Raduni tian memuji Allah. Tian cawa, “Kik injuk reno, jelma-jelma lain Yahudi pun dikeni kesempatan ulih Allah untuk betubat jak dusa-dusani rik ngehayati hurik sai sejati!”

KISAH RASUL-RASUL 26:18

untuk ngebukak mata tian, in tian luah jak kekelaman rik kuruk mik delom terang; in tian lepas jak pengaruh iblis, raduni dikuasai ulih Allah. Maka jama percaya jama Nyak dusa-dusa tian haga diampuni rik tian haga jadi anggota umat Allah sai tepilih.’ ”

KISAH RASUL-RASUL 4:21

Anggota-anggota sidang udi mak dapok mansa sai alasan pun untuk ngehukum Petrus rik Yohanes. Jadi tian ngancam kerua rasul udi, raduni ngelepasko keruani, mani sunyinni ulun memuji-muji Allah ulih kejadian ano.

GALATIA 1:24

Maka tian memuji Allah mani nyak.

1 PETRUS 2:9

Kidang keti yakdo bangsa sai tepilih, imam-imam sai ngelayani raja, bangsa sai kudus, khusus untuk Allah, umat-Ni Allah tenggalan. Allah milih keti rik ngurau keti luah jak kekelaman untuk kuruk mik delom terang-Ni sai gemilang, jama maksud in keti nyebarko kabar tentang perbuatan-perbuatan-Ni sai luar biasa.