LUKAS 17:16 - PERJANJIAN AMPAI KABAR BETIK

¹⁶ Kak raduni dihadapni Isa, ia sujud rik ngucapko terima kasih jama Ia. Jelma seno jak Samaria.

LUKAS 17:16 Iomraidhean Croise

MATIUS 10:5

Kerua belas rasul udi raduni diutus ulih Isa jama mansa petunjuk-petunjuk inji, “Dang mik daerah ulun-ulun lain hak Yahudi. Dang juga mik kota-kota ulun Samaria.

MATIUS 2:11

Tian kuruk mik delom lamban udi rik ngeliak Sanak udi jama Maria, emak-Ni. Tian sujud rik nyumbah Sanak seno, raduni ngebukak rang harta tian, rik mempersembahko jama Ia emas, kemiyan, rik mur.

MARKUS 5:33

Bebai udi sai pandai api sai radu tejadi jama dirini, jama gegoran rik kerabaian sujud di hadap Isa rik ngakui sunyinni.

LUKAS 17:17

Kak raduni Isa cawa, “Kan wat puluh jelma sai Kumunyaiko? Di dipa sai siwa lagi?

LUKAS 5:8

Waktu Simon ngeliak ano, ia sujud di hadap Isa, rik cawa, “Tinggalko nyak, Tuhan! Mani nyak jelma bedusa!”

YOHANES 4:9

Bebai Samaria udi ngejawab, “Tuan ulun Yahudi, nyak ulun Samaria; mengapi Tuan ngilu nginum jak nyak?” (Mani ulun-ulun Yahudi mak ngedok hubungan jama ulun Samaria.)

YOHANES 5:23

Bapa ngelakuko inji in sunyinni jelma ngehormati Anak injuk tian ngehormati Bapa. Jelma sai mak ngehormati Anak mak juga ngehormati Bapa sai ngutus Anak.

YOHANES 8:48

Ulun-ulun Yahudi udi ngejawab Isa, “Kan temon cawa sekam bahwa Niku ulun Samaria sai kekurukan sitan?”

KISAH RASUL-RASUL 1:8

Kidang keti haga mansa kuasa, kik Ruh Allah radu ratong jama niku. Rik keti haga jadi saksi-saksi untuk-Ku di Yerusalem, di seluruh Yudea, di Samaria, rik sampai mik uncuk bumi.”

1 KORINTUS 14:25

Hal-hal sai tesegok di delom hatini haga dinyatako, sehingga ia haga ngerendahko dirini raduni nyumbah Allah. Ia haga ngaku bahwa Allah temon-temon wat di tengah-tengah keti.

WAHYU 19:10

Nyak tesungkor di hadap malaikat udi haga nyumbahni, kidang ia cawa jama nyak, “Dang! Dang nyumbah nyak, sumbahdo Allah! Mani nyak pun jelma sai ngebantu injuk niku rik injuk sunyin puari-puarimu sai nyating kuat jama kesaksian Isa!” Mani kesaksian Isa udido sai ngeilhami jelma-jelma sai benubuat.

WAHYU 4:10

kerua puluh epak jelma sai mimpin udi tesungkor di hadap jelma sai mejong di takhta udi, raduni nyumbah Ia sai hurik selama-lamani. Raduni tian nayarko mahkota-mahkota tian mik hadap takhta udi rik cawa,

WAHYU 5:14

Maka keepak makhluk udi ngejawab, “Amin!” Rik jelma-jelma sai mimpin udi pun tesungkor rik nyumbah.