Biblia Todo Logo
Bìoball air-loidhne

- Sanasan -




LUKAS 16:15 - PERJANJIAN AMPAI KABAR BETIK

15 Kidangni Isa cawa jama tian, “Ketido jelma sai di hadap ulun bareh keliakan benor, kidang Allah pandai isi hatimu. Mani api sai dianggap langgar ulih jelma, dipandang rendah ulihni Allah.

Faic an caibideil Dèan lethbhreac




LUKAS 16:15
40 Iomraidhean Croise  

Sunyinni sai tian lakuko angkah untuk diliak ulun gaoh. Tian sengaja makai tali sembahyang sai berak-berak rik ngejungko rumbai-rumbai jubah tian!


“Kik keti bepuasa, dang hak pudak muram injuk jelma sai gering icak-icak. Tian ngubah way pudakni in sunyinni ulun pandai bahwa tian bepuasa. Ingokdo, udido upah sai tian radu terima.


Jadi, kik keti ngeni sedekah jama ulun mejerih, dang hak ngegembor-gemborko hal seno injuk sai dilakuko ulih ulun-ulun munafik. Tian risok ngelakuko ano di delom lamban ibadah rik di renglaya, in dipuji ulun. Ingokdo, tian radu nerima upahni.


“Kik keti bedua, dang hak injuk jelma-jelma sai gering icak-icak. Tian gering bedua sambil cecok di lamban ibadah rik di simpang renglaya in diliak ulun. Ingokdo, udido upah sai tian radu terima.


Kidang guru agama udi haga ngebenorko dirini tenggalan. Ia betanya, “Sapa sai peperdaku?”


Makani Tuhan cawa jama ia, “Sangun keti jelma-jelma Farisi, biasani ngecahko cumbung rik piring bagian luahni gaoh, kidang di delom dirimu tenggalan latap jama kekerasan rik kejahatan.


Jelma Farisi ano cecok tenggalan sambil bedua, ‘Ya Allah, nyak ngucapko terima kasih juga jama Allah, mani nyak mak gegoh injuk ulun bareh, sai serakah, curang, atau bezinah. Nyak besyukor mani nyak mak injuk penagih pajak udi.


“Percayado,” cawa Isa, “waktu mulang mik lamban, penagih pajak anodo sai diterima Allah lain hak jelma Farisi ano. Mani unggal jelma sai ngelanggarko dirini haga direbahko; rik tiap-tiap jelma sai ngerendahko dirini haga dilanggarkoni.”


“Sunyinni perintah ano radu kututuk jak nyak mengura,” cawa jelma seno.


Isa nyeritako juga perumpamaan inji sai ditujuko-Ni jama jelma sai memandang rendah jama jelma bareh, kidangni yakin bahwa dirini tenggalan betik.


Jadi tian nyepok kesempatan sai helau. Tian nyuap jelma in belaku sebagai jelma sai jujor, rik ngayun jelma-jelma seno ngejebak Isa jama pertanyaan-pertanyaan, in tian dapok nyerahko Ia jama wewenang rik kekuasaan gubernur.


Tian nipu randa-randa rik ngerampas lambanni. Rik untuk nyalok kejahatanni tian ano, tian bedua kejung-kejung! Hukumanni tian ano kanah mebiak!”


Mak perlu jelma ngeni keterangan jama Ia tentang sapa pun, mani Ia tenggalan pandai api sai wat delom hati manusia.


Untuk ketelu kalini Isa betanya jama ia, “Simon anak Yona, api niku mengasihi Nyak?” Petrus jadi sedih mani Isa betanya jama ia sampai telu kali. Maka Petrus ngejawab luot, “Tuhan, Tuhan pandai sunyinni. Tuhan pandai nyak mencintai Tuhan!” Raduni Isa cawa jama ia, “Peliharado biri-biri-Ku.


Yudas inji radu mansa tanoh kuboranni jak upah pengkhianatanni sai jahat. Ia tumbak rik mati jama tenaini tebelah sampai isi tenaini luah sunyinni.


Raduni tian bedua. Tian cawa, “Tuhan, Niku pandai hati sunyinni jelma. Yudas radu jatuh jak jabatanni sebagai rasul rik radu mati. Jadi tunjukko jama sekam, sapa jak kerua jelma inji sai Tuhan pilih untuk dikeni tugas ano ngegantiko Yudas.”


Rik Allah sai kenal hati manusia radu nunjukko bahwa Ia nerima tian; Ia nunjukko hal ano ngeniko jama tian Ruh Allah gegoh injuk sai radu dikeniko-Ni jama ram muneh.


Mani mak sai jelma pun dimungkinko muloh mebetik jama Allah, ulihni jelma udi ngelakuko hal-hal sai wat delom hukum agama. Sebalikni hukum udi angkah nunjukko jama manusia bahwa manusia bedusa.


Maka Allah, sai pandai isi hati manusia, ngerti kehaga Ruh udi; mani Ruh udi ngilu jama Allah untuk umat-Ni Allah, rik nutuk kehaga-Ni Allah.


Ulihni seno, mani makkung waktuni, dang keti geluk-geluk nantuko bahwa sai jelma besalah atau mawat. Tunggudo sampai Tuhan ratong kanah. Iado sai haga ngebukak sunyin rahasia-rahasia sai tesegok delom kekelaman. Iado sai haga ngebungkar sunyin niat sai tependam di delom hatini manusia. Waktu ano ampaido unggal jelma nerima jak Allah pujian sai patut diterimani.


Sebalikni, hagani kecantikanmu timbul jak delom hati, budi pekerti sai lemoh lembut rik tenang; senodo kecantikan abadi sai berega nihan nutuk pandangan-Ni Allah.


Reno muneh Puari, jelma-jelma ngura. Tundukdo jama jelma-jelma sai tuha. Puari sunyinni harus ngerendahko diri rik saling ngelayani jama rendah hati. Mani delom Alkitab tetulis injuk reji, “Allah nantang jelma sai mepungah, kidang mengasihi jelma sai rendah hati.”


Jelma-jelma sai nutuk Kubunuh juga in sunyin jemaah sadar bahwa Nyakdo Ia sai nyelami pikeran-pikeran rik hati manusia. Keti haga Kubalos untuk perbuatan keti masing-masing.


Lean sinn:

Sanasan


Sanasan