LUKAS 16:11 - PERJANJIAN AMPAI KABAR BETIK

¹¹ Jadi, kik mengenai harta dunia inji keti radu mak dapok dipercaya, sapa sai haga mempercayako jama niku kebatinan rohani?

LUKAS 16:11 Iomraidhean Croise

MATIUS 6:24

“Mak sai jelma pun dapok beguai untuk rua majikan. Mani ia haga lebih mengasihi salah sai jak sai bareh. Atau ia haga lebih setia jama majikan salah sai jak jama sai bareh. Injuk reno juga jama keti. Keti mak dapok beguai untuk Allah rik untuk harta benda juga.

LUKAS 12:33

Jualdo hartamu rik bagiko duitmu ano jama jelma mejerih. Saniko untuk dirimu dumpet sai mak dapok cadang, yakdo harta sai disegokko di surga. Harta seno mak dapok lebon mani maling mak dapok ngakukni rik rayap mak dapok nyadangkoni.

LUKAS 16:12

Rik mengenai barang sai milik ulun bareh, keti tebukti mak dapok dipercaya, sapa haga ngeni jama niku api sai jadi milikmu?

LUKAS 16:9

Kak raduni Isa cawa lagi, cawa-Ni, “Dengiko! Pakaido harta dunia inji untuk nyepok kantik in kik harta dunia inji radu mak berega lagi, keti haga diterima di rang sai abadi.

LUKAS 18:22

Ngedengi seno, Isa cawa, “Lagi wat sai hal sai haga diguaiko: Jualdo unyinni hartamu, keniko duitni jama jelma mejerih, rik niku haga mansa harta di surga. Kak radu jak seno tutukdo Nyak.”

EFESUS 3:8

Di hantara sunyin umat-Ni Allah, nyakdo sai paling hina. Kidang Allah ngeniko jama nyak karunia inji: tugas untuk ngabarko jama ulun-ulun lain Yahudi Kabar Betik tentang kebatinan-Ni Almasih sai mak ngedok belani;

YAKOBUS 2:5

Ingok, Puari-puari sai tecinta! Jelma sai mejerih di dunia inji, dipilih Allah untuk jadi jelma sai batin delom iman. Jelma-jelma udi haga jadi anggota umat-Ni Allah injuk sai dijanjiko Allah jama jelma sai ngasihi Ia.

WAHYU 3:18

Ulihni seno Nyak ngeni petuah jama keti in keti ngebeli jak Nyak emas, yakdo emas sai murni, in keti jadi mebatin. Belido juga kawai handak jak Nyak in keti bekawai rik nyalok keadaan keti sai riluk rik ngeliamko. Rik belido muneh ubat untuk dioles di matamu in keti dapok ngeliak.