LUKAS 13:11 - PERJANJIAN AMPAI KABAR BETIK

¹¹ Di disan wat bebai sai radu walu belas tahun meruyuh, mani wat ruh jahat delom badanni. Bebai ano bungkuk rik sama sekali mak dapok cecok.

LUKAS 13:11 Iomraidhean Croise

MATIUS 4:23

Di Galilea, Isa bekeliling di sunyinni negeri rik ngajar di lamban-lamban ibadah. Ia ngabarko Kabar Betik bahwa Allah haga memerintah. Rik Ia juga ngunyaiko jelma-jelma sai meruyuh rik cacat.

MARKUS 9:21

Raduni Isa betanya jama bakni, “Radu pira saka ia injuk reji?” “Radu jak ia masih lunik!” jawab bakni.

LUKAS 13:12

Waktu Isa ngeliakni, cawado Ia, “Ibu, niku munyai jak penyakikmu!”

LUKAS 13:16

Nah, di dija tano, wat sai bebai jak keturunan Abraham, sai radu walu belas tahun sakani dikuasai iblis. Api mak ngasi dilepasko ikokanni waktu rani Sabat?”

LUKAS 21:28

Kik hal-hal seno radu tejadi, minjak rik iwakko ulumu, mani serebok lagi keti haga diselamatko.”

LUKAS 8:2

Reno muneh pira-pira bebai sai radu bebas jak pengaruh ruh jahat rik penyakik. Bebai-bebai udi iado Maria sai disebut Magdalena (pitu ruh jahat sai radu luah jak badanni);

LUKAS 8:27

Waktu Isa regah mik darak, ratong jelma bakas sai kekurukan ruh jahat. Ulun seno jak kota. Radu saka ia riluk rik mak pernah tinggal di lamban. Ia angkah haga tinggal delom guha rang nguborko jelma.

LUKAS 8:43

Di hantarani wat sai bebai sai radu rua belas tahun meruyuh ngeluahko rah sai wat hubunganni jama mekamakni. Ia radu ngebelakko unyinni hartani untuk berubat jama dokter, kidang makkung juga munyai.

KISAH RASUL-RASUL 3:2

Di dudi di rangok gerbang sai disebut “Rangok Helau”, wat sai jelma bakas sai lumpuh jak laher. Unggal rani jelma udi diusung mik disan untuk ngilu-ngilu jama jelma-jelma sai kuruk di Lamban Ibadah.

KISAH RASUL-RASUL 4:22

Jelma sai ngalami kemunyaian sai ajaib udi radu lebih jak epak puluh tahun umorni.