LUKAS 12:42 - PERJANJIAN AMPAI KABAR BETIK

⁴² Tuhan ngejawab, “Sapa jelma sai ngelayani sai setia rik bijaksana hingga dijadiko ulih tuanni jadi kepala jelma-jelma sai ngelayani bareh in ia ngeni tian mengan pada waktuni?

LUKAS 12:42 Iomraidhean Croise

MATIUS 13:52

Raduni Isa cawa, “Udi sebabni unggal guru agama sai radu jadi anggota umat Allah, injuk sai tuan rumah sai ngeluahko jak rang hartani barang-barang ampai rik saka.”

MATIUS 20:8

Dibi rani, sekedau kebun anggor udi cawa jama mandorni, ‘Uraudo buruh-buruh udi rik bayardo upah tian masing-masing, mulai jak jelma sai kuruk terakher sampai jama sai kuruk mula-mula.’

LUKAS 12:43

Hara bahagiani jelma sai ngelayani seno kik tuanni ratong rik betungga jama ia lagi ngeguaiko tugasni!

LUKAS 7:13

Waktu Tuhan Isa ngeliak bebai seno, Ia kesian jama ia cawa-Ni, “Dang miwang niku!”

LUKAS 7:19

Rik ngayun tian mik jama Tuhan Isa rik nanya, “Bapak kedo, ulun sai haga ratong nurut janji Allah, atau sekam masih haga nunggu ulun bareh?”

KISAH RASUL-RASUL 20:28

Hagani keti ngejaga diri rik jagado muneh sunyinni jemaah sai radu diserahko ulih Ruh Allah jama niku untuk dijaga; mani keti radu diangkat jadi pengawas jemaah udi. Hagani keti ngejaga jemaah Allah udi injuk gembala ngejaga biri-birini, mani Allah radu ngejadiko jemaah udi kedau-Ni tenggalan liwat kematian Anak-Ni tenggalan.

1 TIMOTIUS 3:15

in kik nyak telat, niku radu pandai injuk repa ram harus hurik sebagai keluarga-Ni Allah, yakdo jemaah-Ni Allah sai hurik. Jemaah injido sai ngerupako tihang penyecok rik pendukung ajaran sai benor jak Allah.

1 TIMOTIUS 5:17

Sai jelma mimpin jemaah sai ngelakuko tugas, patut dikeni penghargaan rua kali lipat, terutama nihan tian sai rajin bekhotbah rik ngajar.

2 TIMOTIUS 4:2

Hagani niku ngabarko kabar jak Allah udi, rik terus ngedesak in jelma ngedengini, api tian haga atau mawat. Hagani niku ngeyakinko jelma, nunjukko kesalahan, rik ngeni durongan jama tian. Ajardo jelma sesabar mungkin.

TITUS 1:7

Jelma sai ngurus jemaah iado jelma sai ngurus guai-Ni Allah, ia mak ngasi becela. Ia mak ngasi mepungah atau pembutong, atau pemabuk, atau gering rigu, atau mata duitan.

IBRANI 13:17

Tutukdo perintah jelma-jelma sai mimpin niku, rik tundukdo jama tian. Mani tian selalu merhatiko jiwamu, rik tian harus betanggung jawab jama Allah. Kik keti taat jama tian, tian dapok beguai jama senang hati; kik mawat, maka tian haga beguai jama sedih hati, rik udi mak nguntungko keti.

IBRANI 13:7

Dang lupa jama jelma-jelma sai mimpin niku sai nyampaiko luhot Allah jama niku. Perhatikodo injuk repa tian hurik rik injuk repa tian mati, rik cuntohdo iman tian.

IBRANI 3:5

Musa setia sebagai jelma sai ngebantu di delom Lamban Ibadah rik nyampaiko hal-hal sai haga dikeni pandai ulih-Ni Allah pada masa sai haga ratong.

1 PETRUS 4:10

Keti masing-masing radu nerima pengenian-pengenian sai bebida-bida jak Allah. Ulihni seno sebagai jelma sai ngurus sai betik jak pengenian-pengenian-Ni Allah, hagani keti ngegunako kemampuan udi untuk kepentingan jejama.