LUKAS 12:19 - PERJANJIAN AMPAI KABAR BETIK

¹⁹ Kak raduni haga kucawako jama diriku tenggalan: Niku beruntung! Sunyinni sai betik radu jadi milikmu rik mak bela selama betahun-tahun. Istirahatdo! Mengan nginumdo rik nikmatido hurikmu!’

LUKAS 12:19 Iomraidhean Croise

LUKAS 12:18

Raduni ia bepiker luot rik cawa jama dirini tenggalan, ‘Nah, nyak wat akal; gudang-gudangku haga kukayun rumbak kak raduni kubangun sai lebih balak. Di dudido haga kusegokko unyinni gandumku rik barang-barangku sai bareh.

LUKAS 16:19

“Wat sai jelma mebatin. Kawaini mahal-mahal, rik hurikni mewah unggal rani.

LUKAS 21:34

“Jaga dirimu, dang sampai keti sibuk pesta-pesta rik nginum inuman sai keras, atau mikerko masalah hurik, akherni keti mawat siap kik rani seno tecul tiba-tiba.

1 KORINTUS 15:32

Kik udi angkah jak segi manusia gaoh, api untungni bagiku untuk bejuang seolah-olah ngelawan binatang-binatang buas di kota inji, di Efesus? Kik sangun ulun mati mak dihurikko luot, nah, lebih betik ram nutuk peribahasa inji: “Ija ram mengan-nginum rik besenang-senang, mani jemoh ram haga mati juga.”

FILIPI 3:19

Hurik jelma-jelma injuk reno haga berakher jama kehancoran, mani diwa tian yakdo kehagani badan tian tenggalan. Hal-hal sai ngeliamko, justru senodo sai tian banggako; mani tian mikerko angkah hal-hal sai bekenan jama dunia inji gaoh.

1 TIMOTIUS 5:6

Kidang randa sai gering hurik besenang-senang, radu mati meskipun ia masih hurik.

1 TIMOTIUS 6:17

Jama jelma-jelma sai mebatin di dunia inji hagani niku ngilu in tian dang mepungah rik dang ngeharap jama barang-barang sai mak tetap – injuk halni jama kebatinan. Tian harus beharap jama Allah sai ngeniko sunyin sai hal belimpah jama ram in ram ngerasakoni.

2 TIMOTIUS 3:4

Tian gering ngekhianati, mepungah rik mak bepiker kejung. Tian lebih gering jama kesenangan dunia jak nutuk Allah.

YAKOBUS 5:5

Keti radu hurik mewah rik ngerasako kesenangan di dunia inji. Keti seolah-olah sedang ngegemukko diri untuk rani penikolan.

1 PETRUS 4:3

Waktu tumbai, keti radu cukup saka ngelakuko api sai gering dilakuko ulih jelma-jelma sai mak kenal jama Tuhan. Keti hurik mak mebetik. Keti nutuk hawa nafsu, mabuk-mabuk, bepesta pora, nginum-nginum rik nyumbah berhala secara ngejijikko.

WAHYU 18:7

Keniko jama ia penderitaan rik duka cita sai gegoh lamonni jama kebesaran rik kemewahan sai dikenikoni jama dirini tenggalan. Mani ia selalu gaoh cawa jama dirini, ‘Nyak inji ratu sai memerintah! Nyak lain randa; nyak mak haga ngalami kesedihan!’